Uyghur kishilik hoquq programmisi xitayni Uyghur élini chet'el muxbirlirigha échishqa chaqirdi

Muxbirimiz jüme
2017-05-03
Share

Dunya axbarat erkinliki küni amérikidiki Uyghur kishilik hoquq tetqiqat orni bayat élan qilip, xitayni Uyghur élini chet'el muxbirlirigha échishqa chaqirdi.

Uyghur kishilik hoquq programmisi 2-may élan qilghan bayanatida, xitay hökümitining Uyghur élida misli körülmigen derijidiki xewpsizlik tehditige duch kelduq, deydighanliqi, eger rast shundaq bolsa, ularning musteqil zhurnalistlarning rayon'gha bérip térrorluqqa qarshi tedbirlirini cheklimisiz tekshürüshige yol qoyushi kéreklikini bildürdi.

Bayanatta mundaq körsitildi: "Xitay her qachan sherqiy türkistanda weqe boldi, adem tuttuq dése, bularning birdin ‏-bir wariyantini biz xitayning shinxu'a yaki yershari waqit gézitidin anglaymiz. Bu axbarat organliri özining ishenchsizliki bilen dangliq. Shunga bulargha gumaniy mu'amile qilish lazim."

Teshkilat bayanatida yuqiriqi sewebler tüpeyli, xitay özining dunyani saxta xewer bilen teminlimigenlikige ishendürüsh üchün chet'el muxbirlirining rayon'gha kirishige we ularning yerlikler bilen erkin sözliship xewer ishlishige yol qoyush kéreklikini muraji'et qildi.

Bayanatta körsitishiche, axbarat cheklimisi Uyghur élida xitayning bashqa jaylirigha sélishturghanda téximu qattiq bolup, xitayda qolgha élin'ghan 38 zhurnalistning 13 i Uyghur iken.

Xitay Uyghur zhurnalistlarni yazmiliri tüpeyli jazalighandin sirt, Uyghurlar heqqide lilla gep qilghan chet'el muxbirlirinimu zerbe obyékti qilip kelgen.

2015-Yili séntebirdiki "Bay kömürkan hujumini térrorluq hujumi déyishke bolmaydighanliqi" ni bildürgen firansuz muxbir ursila guytér xanim shularning jümlisidin bolup, u shu yili dékabir xitaydin qoghlap chiqirilghan idi.

Xitay, axbarat erkinliki eng qattiq boghulghan döletlerning biri bolup, chégrasiz muxbirlar teshkilati bu yilliq doklatida axbarat muhiti bahalan'ghan 180 dölet ichide xitayni 176-orun'gha tizghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.