Kanadaliq zhurnalist yeken élishquda tutqun qilishqa uchridi

Muxbirimiz irade
2017-08-24
Élxet
Pikir
Share
Print

Kanadaliq muxbir natxan wendirklippi yekenning élishqu bazirida saqchilarning tutqun qilishigha uchrighan.

Xewerlerdin melum bolushiche, kanadaning "Yershari we mektuplar géziti" ning muxbiri natxan wendérklippi 23-awghust charshenbe küni axshamgha yéqin yekenning élishqu yézisigha barghan. U yerliklerni ziyaret qilip 15 minut öte-ötmeyla saqchilar teripidin qorshiwélin'ghan we kéyin tutqun qilinip saqchixanigha apirilghan. Saqchilar uning somkisi we kaméralirini tekshürgen.

Wendirklippi élishqu saqchixanisida üch sa'ettek tutup turulghandin kéyin, peyshenbe küni seherge yéqin qoyuwétilgen bolsimu, uning kompyutérini kéyin ewetip béridighanliqini éytip tutup qalghan. Melum bolushiche, u saqchilarning hemrahliqida qeshqerde chüshken méhmanxanisigha yétip kelgen.

Weqedin kéyin, peyshenbe küni "Yershari we mektuplar géziti" bash tehriri dawid walmsliy bayanat élan qilip, weqeni eyiblidi. U sözide, 2009-yili mezkur gézitning yene bir muxbiriningmu oxshash weqege uchrighanliqini eskertip "Bu bizning muxbirlirimizning rayonda ikkinchi qétim mushundaq zorawanliqqa uchrishi bolup hésablinidu. Shunisi éniqki, u yerde yézilishni kütüp turghan nurghun hékayiler bar" dégen.

Weqe tiwittér toridimu nurghun inkas qozghidi. Uyghur éli weziyitini yéqindin közitip kéliwatqan nurghun közetküchiler weqeni xitay hökümitining Uyghur élidiki uchurni qamal qilish herikitining küchlük bir ispati, dédi.

Toluq bet