Қәшқәр тәвәсидики навайлиқ кәспи пүтүнләй хитай ширкәтлириниң башқурушиға өткән

Мухбиримиз әзиз
2021-12-22
Share

“шинҗаң гезити” ниң 22-декабирдики хәвиридә ейтилишичә, нөвәттә қәшқәрдики навайлиқ кәспи пүтүнләй көләмләшкән хитай ширкәтлириниң контроллуқида болуп, “һәр күни 10 милйон нан йеқилиду” дейиливатқан бу кәсип толуқ машинилишиш басқучиға өткән.

Хәвәрдә ейтилишичә, қәшқәрдики “вәнфудун йемәк-ичмәк ширкити” ниң навайлиқ сехлири пүтүнләй машинилашқан болуп ун, сүт, хемиртуруч қатарлиқ хуручларни арилаштуруп хемир юғуруштин тартип нан йеқиш вә йеқилған нанларни орап-қачилашқичә болған пүткүл җәрян мушу машинида тамамлинидикән. Ширкәт директори ляң чав бу һәқтә сөз қилип “бу сехта һәр секонтиға 80 тоқач нан чиқиралаймиз. Йеқинда буни өзгәртип ислаһ қилиш арқилиқ бу санни 100 гә йәткүзмәкчимиз” дегән.

Хәвәрдә ейтилишичә, қәшқәрдики мушу хил навайлиқ ширкәтлири һазир 11 милйон нан йеқиш сәвийәсигә йәткән болуп, бу нанларниң зор бир қисми уйғур дияридики һәрқайси җайларға әвәтилидикән, йәнә бир қисми болса хитай өлкилиригә йоллинидикән. Хитай ташқи ишлар министирлиқиниң баянатчиси җав лиҗйән бу һални махтап өзиниң тиветтер бетидә бу хил йүзлинишни һәмбәһирлигән. Шундақла “шинҗаңлиқлар бир күн гөш йемисә чидайду, әмма бир күн нан йемисә туралмайду” дегән.

Уйғурларниң күндилик һаяти билән зич бағлинишлиқ болған, шундақла иқтисадий тапавитиниң бир муһим мәнбәси болған навайлиқ кәспиниң хитай ширкәтлириниң контроллуқиға өтүп кетиши нөвәттә көплигән соалларни пәйда қилмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт