Тарим ойманлиқидин 200 милйон тоннилиқ нефит записи тепилди

Мухбиримиз әзиз
2020-04-08
Share

Хитайниң әң чоң енергийә базиси, дәп тәриплиниватқан уйғур дияридин йеқинда 228 милйон тоннилиқ нефт записи байқалған болуп, буниң күндилик нефит вә тәбиий газ ишләпчиқириш миқдари йәнә бир қетим рекорт яратқан.

Хитайниң шинхуа агентлиқи 8-апрелдики хәвиридә ейтилишичә, бу нефитлик шаяр наһийиси тәвәсидә болуп, хитай һөкүмити нөвәттә иҗра қиливатқан "ғәрбниң газини шәрққә йөткәш" қурулуши үчүн техиму зор енергийә мәнбәси һасил қилинған.

Уйғур дияри йиллардин буян изчил әң намрат районлардин болуп кәлгән һәмдә хитай һөкүмитиниң "намратлиқни түгитиш" ярдимигә еришидиған нуқтилиқ районларниң бири болуп кәлгән иди. Йеқинқи йиллардин буян хитай һөкүмити уйғурларни "намратлиқтин қутулдуруш" намида хитай өлкилиридики завутларға төвән баһалиқ ялланма ишчилиққа йөткәп келиватқан иди.

Паалийәтчиләр бу һәқтә пикир қилип "уйғур дияридики һесабсиз йәр асти байлиқи уйғурларни һечқанчә бай қилғини йоқ. Әксичә бу байлиқ уйғурларниң бойниға техиму еғир сиртмақларни селишқа сәвәб болмақта," деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт