Tarim oymanliqidin 200 milyon tonniliq néfit zapisi tépildi

Muxbirimiz eziz
2020-04-08
Share

Xitayning eng chong énérgiye bazisi, dep teripliniwatqan Uyghur diyaridin yéqinda 228 milyon tonniliq néft zapisi bayqalghan bolup, buning kündilik néfit we tebi'iy gaz ishlepchiqirish miqdari yene bir qétim rékort yaratqan.

Xitayning shinxu'a agéntliqi 8-apréldiki xewiride éytilishiche, bu néfitlik shayar nahiyisi teweside bolup, xitay hökümiti nöwette ijra qiliwatqan "Gherbning gazini sherqqe yötkesh" qurulushi üchün téximu zor énérgiye menbesi hasil qilin'ghan.

Uyghur diyari yillardin buyan izchil eng namrat rayonlardin bolup kelgen hemde xitay hökümitining "Namratliqni tügitish" yardimige érishidighan nuqtiliq rayonlarning biri bolup kelgen idi. Yéqinqi yillardin buyan xitay hökümiti Uyghurlarni "Namratliqtin qutuldurush" namida xitay ölkiliridiki zawutlargha töwen bahaliq yallanma ishchiliqqa yötkep kéliwatqan idi.

Pa'aliyetchiler bu heqte pikir qilip "Uyghur diyaridiki hésabsiz yer asti bayliqi Uyghurlarni héchqanche bay qilghini yoq. Eksiche bu bayliq Uyghurlarning boynigha téximu éghir sirtmaqlarni sélishqa seweb bolmaqta," dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet