Қара майли нефитликидә «қезиш сүритини тезләштуруш» усули ишқа кириштүрүлди

Мухбиримиз әзиз
2019-06-25
Share

Хитай санаитиниң әң чоң енергийә базиси болған уйғурлар дияридики нефит вә тәбиий газ байлиқлириниң қезилишида йеқиндин буян «тез қезиш» техникисиниң көпләп қоллинилиши диққәт қозғимақта.

Хитай һөкүмити башқурушидики шинхуа агентлиқиниң 25-июндики хәвиридә ейтилишичә, җуңғар ойманлиқидики қарамайли тәбиий газ райони вә униңға қошна бир қисим газ қезиш районлирида хитай даирилири тәбиий газ қудуқлириға урулидиған бесимни ашуруш вә чоңқур йәр астида газни тез сүрәттә совутуш арқилиқ тәбиий газ қезиш сүритини бирақла нәччә һәссә ашурған.

Мәлум болушичә, бу хил йеңи техникилар қоллинилғандин кейин қарамайли тәбиий газ районидики газ мәһсулатларниң қезилиш сүрити вә миқдари бирақла ашқан. Буниңға мас һалда хитай ширкәтлириниң алидиған пайдиси 2019-йилиниң ахириға барғанда 220 милйон сом ашидиғанлиқи тәхмин қилинмақта икән.

Һалбуки, уйғурлар дияридики нефт, тәбиий газ қатарлиқ бу байлиқларниң йәрлик хәлқ болған уйғурларға һечқандақ иқтисадий мәнпәәт елип кәлмәйватқанлиқи мәлум. Шуниңдәк уйғурларниң намратлиқ мәсилисиму узундин буян хитай һөкүмитиниң алақидар ахбаратлирида изчил тәкитлинип келинмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.