Qara mayli néfitlikide "Qézish sür'itini tézleshturush" usuli ishqa kirishtürüldi

Muxbirimiz eziz
2019-06-25
Élxet
Pikir
Share
Print

Xitay sana'itining eng chong énérgiye bazisi bolghan Uyghurlar diyaridiki néfit we tebi'iy gaz bayliqlirining qézilishida yéqindin buyan "Téz qézish" téxnikisining köplep qollinilishi diqqet qozghimaqta.

Xitay hökümiti bashqurushidiki shinxu'a agéntliqining 25-iyundiki xewiride éytilishiche, jungghar oymanliqidiki qaramayli tebi'iy gaz rayoni we uninggha qoshna bir qisim gaz qézish rayonlirida xitay da'iriliri tebi'iy gaz quduqlirigha urulidighan bésimni ashurush we chongqur yer astida gazni téz sür'ette sowutush arqiliq tebi'iy gaz qézish sür'itini biraqla nechche hesse ashurghan.

Melum bolushiche, bu xil yéngi téxnikilar qollinilghandin kéyin qaramayli tebi'iy gaz rayonidiki gaz mehsulatlarning qézilish sür'iti we miqdari biraqla ashqan. Buninggha mas halda xitay shirketlirining alidighan paydisi 2019-yilining axirigha barghanda 220 milyon som ashidighanliqi texmin qilinmaqta iken.

Halbuki, Uyghurlar diyaridiki néft, tebi'iy gaz qatarliq bu bayliqlarning yerlik xelq bolghan Uyghurlargha héchqandaq iqtisadiy menpe'et élip kelmeywatqanliqi melum. Shuningdek Uyghurlarning namratliq mesilisimu uzundin buyan xitay hökümitining alaqidar axbaratlirida izchil tekitlinip kélinmekte.

Toluq bet