Xitay hökümiti Uyghur rayonida 7-qétimliq nopus tekshürüshni bashlighan

Muxbirimiz jewlan
2020-10-14
Share

Xitayche "Shinjang géziti" ning 14-öktebir bergen xewiride éytilishiche, 13-öktebir aptonom rayonluq hökümet (xewerde "Uyghur" dégen söz chiqiriwétilgen) "Memliketlik 7-qétimliq nopus tekshürüsh rehberlik guruppisining 3-qétimliq omumiy yighini" chaqirip, Uyghur rayoni boyiche 7-qétimliq omumyyüzlük nopus tekshürüsh xizmitini qayta orunlashturghan.

Yighinda bu qétimliq nopus tekshürüshning xitayning yéqinqi dölet ehwali we dölet küchini tekshürüsh, nopusning özgirish we tereqqiyat ehwalini igilesh, shinjangning tereqqiyatini ilgiri sürüp, uzaq muddetlik muqimliq we eminlikini ishqa ashurushta oynaydighan muhim roli tekitlen'gen.

Yighinda yene nopus tekshürüshning konkrét usulliri békitilgen bolup, nopus tekshürüsh bilen birge yene hökümet meblighining ishlitilish ehwalini tekshürüsh hemde her bir ahaliler komitéti, her bir bina, her bir ishik, her bir öy, muqim nopus we köchme nopus qatarliqlarni toluq tekshürüsh telep qilin'ghan.

Közetküchilerning qarishiche, xitay hökümiti uzundin buyan Uyghur qatarliq milletlerge nopus cheklesh, nopus azlitish siyasiti yürgüzüp kelgen bolup, milletlerning köpiyishini özlirige tehdit dep hésablighan hemde her qétimliq nopus tekshürüsh netijisini milliy siyaset belgileshning asasi qilip kelgen. Xitayning Uyghur rayonidiki bu qétimliq nopus tekshürüshi xitayning yéqinqi 3 yildin béri yürgüzüp kéliwatqan irqiy qirghinchiliqtin aman qalghan nopusning sanini éniqlash bolup, xitay bu arqiliq özliri élip barghan jinayetning netijisige asasen, buningdin kéyinki Uyghur rayoni siyasitini belgilimekchi bolghan bolushi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet