Хитай һөкүмитиниң уйғурларға қиливатқанлири "нопусни әлалаштуруш намидики қирғинчилиқ" дейилди

Мухбиримиз әзиз
2020-11-24
Share

Хитай һөкүмитиниң өткән бирнәччә йилда уйғур нопусини контрол қилиш үчүн мәҗбурий һамилә чүшүрүш һәмдә туғмас қиливетиш тәдбирлирини ишқа салғанлиқи йеқиндин буян көп тәрәплимә учурлардин мәлум болғаниди. "чеграсиз аяллар һоқуқи тәшкилати" ниң рә‍си реҗҗий литилҗон йеқинда "брейтбарт хәвәрлири" торида бу һадисиләрни "хитай һөкүмити йүз йилдин буян давам қилип кәлгән қәбиһ алдамчилиқ" дәп әйиблиди.

Реҗҗий ханимниң мухбирларға билдүришичә, хитай һөкүмити 1920-йиллиридин тартипла "аһалиниң сапасини ашуруш" намида туғут чәкләшни йолға қоюп кәлгән болуп, нөвәттә "аз туғуш, саз туғуш" дегәндәк йеңи шоар астида өзлириниң сиясий мәқсидини әмәлгә ашурушни көзләветипту. Әмма униң хәвәр тепишичә, ‍уйғурларға қаритилған бу хилдики тәдбирләр аллиқачан "аһалиниң сапасини ашуруш" да‍рисидин һалқип кәткән. У бу һәқтә қилған сөзидә "хитай һөкүмити милйонлиған ‍адәмни лагерға қамап, уларни биологийәлик синақ обйекти қиливалди. Бу лагерларда ички әзалири оғрилиниватқан уйғурларниң нопус сапаси бу шәкилдә қандақ яхшилансун? бу сепи өзидин нопус сапасини өстүрүш намидики қирғинчилиқтин башқа нәрсә әмәс" дегән.

Реҗҗий ханимниң тәкитлишичә, нөвәттә хәлқара җамаәт қилишқа тегишлик әң муһим иш һәрқайси һөкүмәтләр бирлишип хитайдики бу йеңи қирғинчилиқни мустәқил йосунда тәкшүрүш икән. Болупму лагерлардики туғут мәсилисигә четишлиқ мәсилиләрни тәкшүрүш буниңдики әң җиддий вәзипә икән. Хитай һөкүмитиниң йиллардин буян охшимиған қаналлар арқилиқ "аз санлиқ милләтләрниң қалақ икәнлики һәмдә уларни өзгәртишниң зөрүрлүки" ни тәшвиқ қилиши нөвәттә нурғун кишиләрни ишәндүрүп қоюватқан болуп, "раст-ялғанни арилаштуриветиш" тики маһийәтни тонуп йетиш бәкму муһим икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт