23-Март күни уйғур аптоном районидики мәктәпләрдә бирдәк оқуш башланди

Мухбиримиз әркин
2020-03-23
Share

Вухәндә партлиған корона вируси сәвәблик тақалған уйғур аптоном районидики оттура-башланғуч вә кәспий техника мәктәплиридә 23-марттин башлап бирдәк оқуш әслигә кәлтүрүлгән.

Даириләр буниң алдида райондики оттура мәктәп вә кәспий техника мәктәплириниң бир қисим синиплириниң оқушини әслигә кәлтүргән иди.

Корона вирусиниң уйғур аптоном райониға йетип келиши билән йәрлик даириләр дәрһал учурни қамал қилип, қаттиқ бихәтәрлик тәдбирлирини алған. Талаға чиқишини чәкләп, кишиләрни өйлиригә бәнд қилған. Идарә-җәмийәт вә мәктәпләр бирдәк тақалған. Буниң билән бәзи җайларда ачарчилиқ йүз бәргәнлики, вирусниң лагерларға тарқилиш хәвпи күчәйгәнлики илгири сүрүлүп, дуня сәһийә тәшкилатиниң районда тәкшүрүш елип бериши тәләп қилинған иди.

"шинҗаң гезити" ниң хәвәр қилишичә, 23-март күни райондики 5004 башланғуч, толуқсиз, толуқ оттура вә кәспий техника мәктипиниң 4 милйон 360 миң 790 нәпәр оқуғучиси мәктәплиригә қайтқан. Хәвәрдә маарип тармақлириниң мәктәпләрдә йепиқ башқурулушни қаттиқ йолға қоюш, мунасивәтсиз кишиләрниң мәктәп райониға киришини чәкләш, кишиләрниң бир йәргә җәм болушиниң алдини елиш қатарлиқ тәдбирләрни елишни тәләп қилғанлиқи илгири сүрүлгән.

Шинхуа агентлиқиниң билдүрүшичә, йәрлик даириләр районда омумйүзлүк оқуш башлаш билән бир вақитта йәнә 3-дәриҗилик җиддий һаләтни бир дәриҗә төвәнлитип, 4-дәриҗигә чүшүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт