23-Mart küni Uyghur aptonom rayonidiki mekteplerde birdek oqush bashlandi

Muxbirimiz erkin
2020-03-23
Élxet
Pikir
Share
Print

Wuxende partlighan korona wirusi seweblik taqalghan Uyghur aptonom rayonidiki ottura-bashlan'ghuch we kespiy téxnika mektepliride 23-marttin bashlap birdek oqush eslige keltürülgen.

Da'iriler buning aldida rayondiki ottura mektep we kespiy téxnika mekteplirining bir qisim siniplirining oqushini eslige keltürgen idi.

Korona wirusining Uyghur aptonom rayonigha yétip kélishi bilen yerlik da'iriler derhal uchurni qamal qilip, qattiq bixeterlik tedbirlirini alghan. Talagha chiqishini cheklep, kishilerni öylirige bend qilghan. Idare-jem'iyet we mektepler birdek taqalghan. Buning bilen bezi jaylarda acharchiliq yüz bergenliki, wirusning lagérlargha tarqilish xewpi kücheygenliki ilgiri sürülüp, dunya sehiye teshkilatining rayonda tekshürüsh élip bérishi telep qilin'ghan idi.

"Shinjang géziti" ning xewer qilishiche, 23-mart küni rayondiki 5004 bashlan'ghuch, toluqsiz, toluq ottura we kespiy téxnika mektipining 4 milyon 360 ming 790 neper oqughuchisi mekteplirige qaytqan. Xewerde ma'arip tarmaqlirining mekteplerde yépiq bashqurulushni qattiq yolgha qoyush, munasiwetsiz kishilerning mektep rayonigha kirishini cheklesh, kishilerning bir yerge jem bolushining aldini élish qatarliq tedbirlerni élishni telep qilghanliqi ilgiri sürülgen.

Shinxu'a agéntliqining bildürüshiche, yerlik da'iriler rayonda omumyüzlük oqush bashlash bilen bir waqitta yene 3-derijilik jiddiy haletni bir derije töwenlitip, 4-derijige chüshürgen.

Toluq bet