Uyghur aptonom rayonidiki aliy mekteplerde oqush eslige kélishke bashlidi

Muxbirimiz erkin
2020-04-06
Élxet
Pikir
Share
Print

Xitay da'iriliri Uyghur aptonom rayonidiki aliy mekteplerning oqutushini türkümlerge bölüm eslige keltürüshke bashlidi.

Xitay taratqulirining xewer qilishiche, deslepki qedemde aptonom rayondiki 22 aliy mektepning oqushi eslige keltürülidiken. "Shinjang géziti" ning xewiride, bu 22 aliy mektepning 8-apréldin bashlap oqush bashlaydighanliqini bildürülgen. Xitay hökümiti wuxende partlighan korona wirusi yuqumi seweblik rayondiki mekteplerning qishliq tetilini uzartqanidi. Ottura-bashlan'ghuch we bir qisim kespiy mekteplerning oqushi 23-mart eslige keltürülgen shundaqla rayondiki köngül échish sorunliri birdek échiwétilgenidi.

Lékin xitayning bu herikiti chet'ellerdiki közetküchilerning endishisini qozghighan. Ular xitayning rayondiki yuqumgha a'it toluq melumatlarni yoshurghanliqi, uning ishlepchirishni eslige keltürüshni dep, "Zor tewekkülchilik" qiliwatqanliqini eyibligenidi. "Shinjang géziti" ning qeyt qilishiche, 8-apréldin bashlap oqush bashlaydighan tunji türkümdiki 22 aliy mektep "Shinjang tébbiy uniwérsitéti", "Shinjang sen'et instituti", "Ürümchi kespiy uniwérsitéti" qatarliqlarni öz ichige alidiken. Da'iriler rayondiki mekteplerning oqushini eslige keltürüsh bilen bir waqitta xitayning yuqum rayonliridin "Shinjanggha yardem bérish" namida oqutquchi yötkeshni dawamlashturmaqta.

Xénendiki "Daxé torining ashkarilishiche, 3-ayning axirlirida xénendin 249 neper oqutquchi 2 türkümge bölünüp qumulgha yötkep kélin'gen. Melum bolushiche, bu xitay hökümitining 2020-yili "Shinjanggha yardem bérish' namida Uyghur rayonigha 10 ming kishilik oqutquchi yötkesh pilanining bir qismi iken. Xitay hökümiti bu arqiliq "Shinjang ma'aripigha yardem bériwatqanliqini ilgiri sürsimu, lékin közetküchiler, mezkur pilan xitayning Uyghur ma'aripini pütünley xitaychilashturup yoqitishtin ibaret "Medeniyet qirghinchiliqi" ning bir parchisi ikenlikini qeyt qilmaqta.

Toluq bet