Даириләр уйғур елидики аһалиләрниң бир парчә илтимас җәдвили биләнла паспорт алалайдиғанлиқи һәққидә давраң салмақта

Мухбиримиз қутлан
2015-08-24
Share

Хәлқ тори уйғурчә қанилиниң хәвиригә қариғанда, уйғур аптоном районлуқ җ х назарити ахбарат саһәсигә баянат берип, бундин кейин уйғур елидики аһалиләрниң бир парчә илтимас җәдвилини толдурсила паспорт алалайдиғанлирини билдүргән.

Баянатта йәнә паспортқа илтимас қилғучи аһалиләрниң адәттики паспорт билән бир вақитта йәнә хоңкоң-макав вә тәйвәнгә берип келидиған йол хетигиму еришәләйдиғанлиқи илгири сүрүлгән.

Һалбуки, баянатта дөләт хизмәтчи хадимлири билән һәрбийләрниң өзи тәвә орундики мәсул рәһбәрләрниң тәстиқини алғандин кейин андин паспортқа илтимас қилалайдиғанлиқи алаһидә әскәртилгән.

Даириләр баянатта "илтимас қилғучи пәқәт бир парчә җәдвәл толдуруп, бир қетим сөрәткә чүшүп, кимлик, нопус дәптири қатарлиқ мунасивәтлик материяллардин пәқәт бир нусха тапшурсила паспорт алалайду" дегәнләрни давраң салған. Һәтта уйғур деһқанларниң өчирәт билән паспорт еливатқанлиқи һәққидики сүрәтлик хәвәрләрни иҗтимаий таратқуларда тарқатқан.

Көзәткүчиләр, даириләрниң илгири паспорт тоғрилиқ көп қетим тәшвиқат характерлик бәлгилимиләрни елан қилғанлиқини, бу қетим чиқарған бәлгилиминиңму хитайлар билән уйғурларға охшаш икәнликидин гуманлинидиғанлиқини илгири сүрмәктә. Униң үстигә, йеқиндин буян уйғур елидин игиләнгән учурларда аталмиш "нуқтилиқ шәхс" яки сиясий җәһәттин ишәнчсиз дәп қаралған уйғурларға паспорт берилмәйватқанлиқи мәлум болмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт