Da'iriler Uyghur élidiki ahalilerning bir parche iltimas jedwili bilenla pasport alalaydighanliqi heqqide dawrang salmaqta

Muxbirimiz qutlan
2015-08-24
Share

Xelq tori Uyghurche qanilining xewirige qarighanda, Uyghur aptonom rayonluq j x nazariti axbarat sahesige bayanat bérip, bundin kéyin Uyghur élidiki ahalilerning bir parche iltimas jedwilini toldursila pasport alalaydighanlirini bildürgen.

Bayanatta yene pasportqa iltimas qilghuchi ahalilerning adettiki pasport bilen bir waqitta yene xongkong-makaw we teywen'ge bérip kélidighan yol xétigimu érisheleydighanliqi ilgiri sürülgen.

Halbuki, bayanatta dölet xizmetchi xadimliri bilen herbiylerning özi tewe orundiki mes'ul rehberlerning testiqini alghandin kéyin andin pasportqa iltimas qilalaydighanliqi alahide eskertilgen.

Da'iriler bayanatta "Iltimas qilghuchi peqet bir parche jedwel toldurup, bir qétim söretke chüshüp, kimlik, nopus deptiri qatarliq munasiwetlik matériyallardin peqet bir nusxa tapshursila pasport alalaydu" dégenlerni dawrang salghan. Hetta Uyghur déhqanlarning öchiret bilen pasport éliwatqanliqi heqqidiki süretlik xewerlerni ijtima'iy taratqularda tarqatqan.

Közetküchiler, da'irilerning ilgiri pasport toghriliq köp qétim teshwiqat xaraktérlik belgilimilerni élan qilghanliqini, bu qétim chiqarghan belgiliminingmu xitaylar bilen Uyghurlargha oxshash ikenlikidin gumanlinidighanliqini ilgiri sürmekte. Uning üstige, yéqindin buyan Uyghur élidin igilen'gen uchurlarda atalmish "Nuqtiliq shexs" yaki siyasiy jehettin ishenchsiz dep qaralghan Uyghurlargha pasport bérilmeywatqanliqi melum bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet