Bu yil Uyghur diyarida paxta téridighan emgek küchi aziyip ketken

Muxbirimiz sada
2018-10-08
Élxet
Pikir
Share
Print

Igilinishiche, Uyghur diyarining shimalidiki paxta étizlirida yillardin béri dawamliship kéliwatqan adem küchi bilen paxta térish ishi bu yildin bashlap mashina bilen térishqa özgergenliki melum.

"Tengritagh tori" ning 8-öktebir künidiki xewiride ilgiriki yillardiki paxta tergüchilerning ornini aptomatik paxta térish mashinisining alghanliqi heqqide uchur bérilgen. Xewerde paxta térishning aptomatlashturulishida paxta téridighan adem küchining barghanséri azlap kétishining seweb bolghanliqi éniq eskertilgen.

Xewerde manas nahiyesining melum baziridiki 17 yildin béri paxta térip kéliwatqan li shöming isimlik bir déhqanning sözi neqil élin'ghan. U sözide aldinqi yillarda paxta tergüchilerni tépish üchün özining poyiz istansisi, uzun yolluq aptobus békiti qatarliq jaylarda lozunkilarni tutup kün-künlep olturup adem küchi toplighanliqini bayan qilghan. U paxta térish mashinilashturulghandin kéyin adem izdesh awarichilikidin qutulghanliqini, paydisiningmu körünerlik bolghanliqini tilgha alghan.

Xitay hökümiti aldinqi yillarda Uyghur diyaridiki Uyghur déhqanlarning yer-zéminlirining bezilirini "Kökertish élip bérip, ayrodromni güzelleshtürüsh"dégen namlar bilen mejburiy yosunda öz ilkige ötküzüwalghan bolsa, bezilirini xitay höddigerlerge erzan bahada ötküzüp bérish arqiliq Uyghur déhqanlirini térilghu yerge igidarliq qilish hoquqidin mehrum qilghan idi.

Közetküchilerning qarishiche, küzlük mol-hosul peslide déhqanlarning azlap kétishi yéqindin mezgildin buyan milyonlighan Uyghur musulmanlirining xitay hökümiti teripidin xalighanche tutqun qilinip, bir a'ilidiki quramigha yetken kishilerning asasen dégüdek lagérlargha solinip kétishi bilen zich munasiwetlik iken.

Toluq bet