Xitay da'iriliri 4-noyabir küni ürümchi chong bazirini tentenilik murasim bilen qayta achqan

Uyghur aptonom rayoluq da'iriler 4-dékabir tentenilik pa'aliyet ötküzüp, döngköwrüktiki ürümchi xelq'ara chong bazirini qayta achqan. Da'irilerning mezkur bazarni 24-noyabir shu rayondiki “Jishyangyen” (bext-sa'adet gülliki) a'ililikler qorasidiki bir binagha ot kétip, nurghun Uyghurning hayatidin ayrilishini keltürüp chiqirishi we bu paji'exitayning dölet ichi we sirtida Uyghurlargha bolghan hésdashliq, shundaqla shi jinpingning COVID-19 siyasitige qarshi keng kölemliq naraziliq heriketlirining partlishini keltürüp chiqarghan bir waqitta daghdughiliq murasim bilen qayta échishi, diqqet qozghidi.

Ürümchidiki ot apiti keltürüp chiqarghan xelq'araliq naraziliq hazirmu dawamli'iwatqan bolup, ürümchi xel'ara chong baziri daghdughiliq échilghan peytning özide Uyghur, tibet, xongkongluqlar we xitaylardin 300 kishi nyu-york sheher merkizidiki washin'gton meydanida namayish ötküzüp, ot apitide hayatidin ayrilghanlargha teziye bildürgen. Ot apitide hayatidin ayrilghanlarning bir-birlep ismini chaqirip, ulargha sükütte turghan namayishchiler yene Uyghurlargha, xongkongliqlargha, tibetlerge erkinlik telep qilghan.

Xitay da'irilirining rayondiki 100 nechche kündin béri dawam qilip kelgen qamal, shundaqla ot apiti keltürüp chiqarghan keng kölemlik naraziliqtin kéyin, ürümchi xelq'arachong bazarni qayta échishta tentenilik murasim ötküzüshining sewebi melum emes. “Xitay xewerliri tori” ning uchurida éytilishiche, ürümchi xelq'ara chong bazar 4-dékabir salyotlar bilen tentenilik échilghan bolsimu, lékin pütün bir bazarda peqet 30 dek dukan soda qilghan.

Xitay taratqulirining éytishiche, oxshash bir waqitta yene ürümchi sheherlik hökümet axbarat yighini ötküzüp, nöwette ürümchi shehiri yuqumning aldini élish we kontrol qilish tedbirlirini normal yolgha qoyushning shert-shara'itini teyyarlghanliqi, xizmet, ishlepchiqirish, soda we bazarni eslige keltürüsh salmiqi téximu kücheytidighanliqini bildürgen.