Уйғур диярида кеңәйтиливатқан қатнаш муәссәсилири диққәт қозғиди

Мухбиримиз әзиз
2020-04-28
Елхәт
Пикир
Share
Принт

Хитай һөкүмитиниң йеқиндин буян уйғурлар диярида бир қатар қатнаш муәссәсилирини кеңәйтип қуруватқанлиқи һәр саһәниң диққитини қозғашқа башлиди. Шуниңдәк буниңдики муддиалар һәққидә түрлүк тәхминләрму оттуриға чиқишқа башлиди.

«Шинлаң тори» ниң 27-апрелдики хәвиридә ейтилишичә, хитай һөкүмити ташқорған наһийәсидики айродром қурулушини башлиған болуп, буни 2022-йили пүттүрүшни пилан қилмақтикән. Бу хилдики қурулушниң йәнә бири голмуд-корла төмүрйоли болуп, нөвәттә буниң 630 километирлиқ бөликигә релис ятқузуп болунған.

«Хитай хәвәрлири» ториниң 28-апрелдики хәвиридә ейтилишичә, йеқинда тәклимаканни кесип өтидиған қумлуқ ташйолиниң үчинчи линийәси қурулуш сүритини тезлитип, лопнурдин чәрчәнгичә болған 330 километирлиқ ташйолни 2020-йили сентәбирдин бурун пүттүрүшни қарар қилған.

Хитайниң алақидар материяллирида бу қумлуқ ташйоллириниң асаслиқ әһмийити тарим чөллүкидин қезивелинған нефитләрни тошуш икәнлики, андин қалса қатнаш линийәсини қисқартиш икәнлики ейтилған.

Анализчилар бу һәқтә пикир қилип, «бу хилдики қатнаш линийәлириниң көпләп қурулуши һәрқачан хитай һөкүмитиниң қаттиқ контроллуқни әмәлгә ашуруш арзуси билән оң танасип болуп кәлгән» деди.

Пикирләр (0)
Share
Толуқ бәт