Uyghur diyarida kéngeytiliwatqan qatnash mu'essesiliri diqqet qozghidi

Muxbirimiz eziz
2020.04.28
Share on WhatsApp
Share on WhatsApp

Xitay hökümitining yéqindin buyan Uyghurlar diyarida bir qatar qatnash mu'essesilirini kéngeytip quruwatqanliqi her sahening diqqitini qozghashqa bashlidi. Shuningdek buningdiki muddi'alar heqqide türlük texminlermu otturigha chiqishqa bashlidi.

“Shinlang tori” ning 27-apréldiki xewiride éytilishiche, xitay hökümiti tashqorghan nahiyesidiki ayrodrom qurulushini bashlighan bolup, buni 2022-yili püttürüshni pilan qilmaqtiken. Bu xildiki qurulushning yene biri golmud-korla tömüryoli bolup, nöwette buning 630 kilométirliq bölikige rélis yatquzup bolun'ghan.

“Xitay xewerliri” torining 28-apréldiki xewiride éytilishiche, yéqinda teklimakanni késip ötidighan qumluq tashyolining üchinchi liniyesi qurulush sür'itini tézlitip, lopnurdin cherchen'giche bolghan 330 kilométirliq tashyolni 2020-yili séntebirdin burun püttürüshni qarar qilghan.

Xitayning alaqidar matériyallirida bu qumluq tashyollirining asasliq ehmiyiti tarim chöllükidin qéziwélin'ghan néfitlerni toshush ikenliki, andin qalsa qatnash liniyesini qisqartish ikenliki éytilghan.

Analizchilar bu heqte pikir qilip, “Bu xildiki qatnash liniyelirining köplep qurulushi herqachan xitay hökümitining qattiq kontrolluqni emelge ashurush arzusi bilen ong tanasip bolup kelgen” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.