Уйғур районидин қазақистанға оқушқа чиқидиған қазақларниң санида чоң төвәнләш болған

Мухбиримиз шөһрәт һошур
2017.08.23

Бүгүн радийомиз хитайчә бөлүминиң қазақистандики маарип тармақлиридин игилишичә, уйғур районидин бу йил қазақистанға оқушқа тизимлатқан қазақларниң сани бултурқи 300 дин 60 қа чүшүп қалған. Буниңға хитайниң қазақларға қаратқан паспорт чәклимиси сәвәб болған.

Ашкарилинишичә, күнәс наһийисиниң қарабуғра йезисидики чәтәлдә оқуватқан қазақ оқуғучи талғат бу йил язлиқ тәтилдә юртиға қайтқанда паспорти тартивелинған вә оқушини давамлаштуруш үчүн чеградин чиқишиға йол қоюлмиған.

Мухбиримиз бу һәқтә қарабуғра сақчиханисиға телефон қилғинида, сақчилар қарабуғрада паспорти тартивелинғанларниң көплүкини баян қилған.

Бүгүн бу һәқтә радийомизға әһвал мәлум қилған бир қазақ муһаҗир, радийомиз өткән айда уйғур районидики қазақларниңму паспорти чәкләнгәнлики вәқәсини хәвәр қилғандин кейин, даириләрниң қазақлардин бир түркүминиң паспортини қолиға қайтуруп бәргәнликини, әмма даириләрниң йәнә башқа баһанә, сәвәбләр билән қазақларға паспорт чәклимисини давамлаштуруватқанлиқини вә уларниң саяһәт әркинликигә дәхли қиливатқанлиқини баян қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.