Uyghur élidiki basturushlarda xitay élan qilghan sanliq melumatlar xelq'ara jem'iyetning küchlük gumanini qozghimaqta

Muxbirimiz qutlan
2014-09-08
Élxet
Pikir
Share
Print

Birleshme agéntliqning bügünki xewirige qarighanda, Uyghur élida yüz bergen qanliq weqelerde xitay hökümiti élan qilghan sanliq melumatlar xelq'ara jem'iyetning küchlük gumanini qozghimaqtiken.

Bolupmu, yekendiki qanliq basturushtin kéyin xelq'ara jem'iyetning xitay hökümet taratquliri élan qilghan weqede ölgen we tutqun qilin'ghan kishilerning sanigha bolghan gumani barghanséri kücheygenliki melum.

Béyjingning Uyghur élida yüz bergen jiddiy weqelerning uchurini qattiq qamal qilishi hemde uni axbaratqa ashkarilashtiki monopolluq siyasiti xelq'aradiki erkin axbarat organlirini amalsiz qaldurghan. Uning üstige, xitay hökümitining chet'el muxbirlirini neq meydan'gha bérishqa yol qoymasliqi we bashqa herqandaq musteqil tekshürüsh organlirining rayondiki jiddiy weqelerni neq meydandin közitishige ruxset qilmasliqi bu heqtiki gumanlarni téximu ilgiri sürgen.

‏"Néme weqe yüz bériwatqanliqini zadi kim eynen dep béreleydu? -dep so'al qoyidu insan heqlirini közitish teshkilatining bashliqi sofiye richardson xanim, -shinjang da'irilirining bu heqtiki bayanatliri gumanliq we uning ishenchlik derijisi kemchil."

Toluq bet