Amérika hökümiti xitayni Uyghurlarning diniy ibadet erkinlikige yol qoyushqa chaqirdi

Muxbirimiz erkin
2016-07-01
Share

Amérika dölet ishlar ministirliqi xitayni Uyghur musulmanlirining diniy erkinlikige hörmet qilishqa, ularning erkin ibadet qilishigha yol qoyushqa chaqirghan.

Dölet ishlar ministirliqi bayanatchisi bu sözni xitayning Uyghur rayonida rozini chekligenlikige da'ir xewerler heqqide soralghan bir so'algha jawab bergende tekitligen.

"Maliye ékspres" namliq gézitning xewer qilishiche, amérika dölet ishlar ministirliqi bayanatchisi mundaq dégen: "Biz xitay da'irilirini diniy étiqad erkinlikini qoghdashqa we shundaqla xitay xelq'arada üstige alghan kishilik hoquq mejburiyitige asasen puqralirining erkin ibadet qilishigha yol qoyushqa chaqirimiz."

U yene, "Diniy erkinlik tinch, her terepni öz ichige alghan, muqim we tereqqiy qilghan jem'iyet berpa qilish üchün intayin muhim amil" dégen.

Xelq'ara axbarat, Uyghur pa'aliyetchiler we bezi yerlik ahaliler Uyghur rayonida bu yilmu kadirlar, oqughuchilar, oqutquchilar, ishchi-xizmetchilerning roza tutushi cheklen'genlikini, bezi yéza-kentlerde yerlik kadirlarning etigende soghurgha qopqan a'ililerni teqib qilish ehwali yüz bergenlikini bildürgen idi. Emma xitay hökümiti diniy ibadet we rozini chekligenlikini izchil ret qilip keldi.

Amérika hökümitining bu chaqiriqi pakistanning 4 kishilik diniy tekshürüsh ömiki Uyghur rayonida roza tutush cheklen'gen-cheklenmigenlikini tekshürüsh üchün bu rayonda tekshürüsh élip bériwatqan mezgilde otturigha qoyuldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet