Хитай даирилири рамизан һарписида диний паалийәтләрни чәкләш һәққидә буйруқ чүшүргә

Мухбиримиз әркин
2014.06.27
Share on WhatsApp
Share on WhatsApp

Хитай һөкүмити бу йиллиқ рамзан һарписида йәнә мәсчит, мәктәп вә идарә-җәмийәтләргә буйруқ чүшүрүп, рамзан мәзгилидә уйғур оқуғучи вә ишчи-хизмәтчилириниң роза тутуш, мәсчиткә кирип ибадәт қилиш қатарлиқ диний паалийәтләр билән мәшғул болушини чәкләшни тәләп қилған.

Дуня уйғур қурултийи баянатчиси дилшат ришитниң ашкарилишичә, мәктәп, мәсчит, базар башқуруш вә идарә-җәмийәтләр оқуғучи, ишчи хизмәтчилириниң роза тутмаслиқи, ибадәт билән шуғулланмаслиқи, ашхана-ресторанларниң чоқум күндүзи тиҗарәт қилишиға капаләтлик қилидиғанлиқини билдүрүп, вәдинамигә имза қойған.

Бу йиллиқ рамзан 28‏-июн күни башлиниду. Дилшат ришит, бу йиллиқ рамзан “5‏-июл вәқәси” ниң 5 йиллиқ һарписиға тоғра кәлгәчкә, буниңдин хитай даирилириниң техиму биарам болуватқанлиқини билдүрди.

Униң ашкарилишичә, үрүмчи шәһири асасий қатлам кадирлириниң рамизан мәзгилидә дәм елишини чәкләп, барлиқ кадирларни мәһәллә-койлардики диний паалийәтләрни назарәт қилишқа сәпәрвәр қилған.

Шуниң билән биргә, мәсчитләрдики назарәтчи кадирларниң санини көпәйткән. Мәктәпләргә оқуғучиларни чүшлүк тамаққа орунлаштуруп, уларниң роза тутқан-турмиғанлиқини назарәт қилиш буйрулған. Миллий кадирларниң чүшлүк тамиқини чоқум идариниң ашханисида йейиши тәләп қилинған.

Дилшат ришит, даириләрниң йеза-кәнтләрдә рамизанлиқ туюқсиз тәкшүрүп әтрәтлирини уюштуруп, түн йеримда өйму-өй тәкшүрүш елип беришкә орунлаштурулғанлиқини билдүрди.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.