Xitay da'iriliri ramizan harpisida diniy pa'aliyetlerni cheklesh heqqide buyruq chüshürge

Muxbirimiz erkin
2014.06.27
Share on WhatsApp
Share on WhatsApp

Xitay hökümiti bu yilliq ramzan harpisida yene meschit, mektep we idare-jem'iyetlerge buyruq chüshürüp, ramzan mezgilide Uyghur oqughuchi we ishchi-xizmetchilirining roza tutush, meschitke kirip ibadet qilish qatarliq diniy pa'aliyetler bilen meshghul bolushini chekleshni telep qilghan.

Dunya Uyghur qurultiyi bayanatchisi dilshat rishitning ashkarilishiche, mektep, meschit, bazar bashqurush we idare-jem'iyetler oqughuchi, ishchi xizmetchilirining roza tutmasliqi, ibadet bilen shughullanmasliqi, ashxana-réstoranlarning choqum kündüzi tijaret qilishigha kapaletlik qilidighanliqini bildürüp, wedinamige imza qoyghan.

Bu yilliq ramzan 28‏-iyun küni bashlinidu. Dilshat rishit, bu yilliq ramzan “5‏-Iyul weqesi” ning 5 yilliq harpisigha toghra kelgechke, buningdin xitay da'irilirining téximu bi'aram boluwatqanliqini bildürdi.

Uning ashkarilishiche, ürümchi shehiri asasiy qatlam kadirlirining ramizan mezgilide dem élishini cheklep, barliq kadirlarni mehelle-koylardiki diniy pa'aliyetlerni nazaret qilishqa seperwer qilghan.

Shuning bilen birge, meschitlerdiki nazaretchi kadirlarning sanini köpeytken. Mekteplerge oqughuchilarni chüshlük tamaqqa orunlashturup, ularning roza tutqan-turmighanliqini nazaret qilish buyrulghan. Milliy kadirlarning chüshlük tamiqini choqum idarining ashxanisida yéyishi telep qilin'ghan.

Dilshat rishit, da'irilerning yéza-kentlerde ramizanliq tuyuqsiz tekshürüp etretlirini uyushturup, tün yérimda öymu-öy tekshürüsh élip bérishke orunlashturulghanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.