"Yershari waqti" géziti Uyghur rayonida saqchi azliq qiliwatqanliqini tilgha aldi

Muxbirimiz shöhret hoshur
2018-03-29
Élxet
Pikir
Share
Print

Bügün xitayning "Yer shari waqti" géziti xitay saqchilirining Uyghur rayonidiki xizmet ehwali heqqide bir parche xewer berdi. Xewerde saqchilarning rayonni térrorluqtin qoghdashtin ibaret éghir bir yükni zimmisige alghanliqi ilgiri sürüldi. Ürümchi lyudawan saqchixana bashliqi chén shyawlyangning kündilik xizmet hayati merkez qilin'ghan halda yézilghan mezkur xewerde xizmet éhtiyajining yuqiriliqi we saqchi xadimliri yétishmesliki sewebidin lyudawanda bir qisim réstoran we dukanlardin yardemchi xadim békitkenliki, az dégende 10 dukandin teyinlen'gen bu yardemchilerning signal chélin'ghan haman kaltek-chomaqlirini kötürüp neq meydan'gha kélidighanliqi bayan qilin'ghan.

Saqchi xadimliri yétishmeslik heqqidiki bu bayan bir qisim rayon közetküchilirini heyran qaldurdi. Hélihem Uyghur rayonida xizmet qiliwatqan amérikiliq tetqiqatchi josh sammérs twittérda bu heqte mundaq inkas yazdi: "Yer shari waqti géziti Uyghur rayonida saqchi yétishmeywatqanliqini yazdi, bu ishen'güsiz bir gep, eger meqset rayonda bir ademge birdin saqchi orunlashturush bolsa, belkim déyilgini toghra". Washin'gtondiki Uyghur közetküchi uchqunjan ependi, lyudawanda teyinlen'gen dukandarlarning neq meydan'gha chaqirtilishining saqchi yétishmesliktin emes, belki saqchilarning qanliq weqelerde ammini qalqan qilip paydilinish üchün ikenlikini ilgiri sürdi.

Toluq bet