Хитай тәшвиқатида 4 йилда 127 сақчиниң уйғур дияридики қаттиқ зәрбә бериштә өлгәнлики тилға елинди

Мухбиримиз меһрибан
2017-04-04
Елхәт
Пикир
Share
Принт

Хитай мәркизи телевизийә истансисиниң 3-апрел хитайниң қәбрә сүпүрүш байримиға атап ишлигән мәхсус филимида, уйғур дияридики «террорлуқ һәрикәтлиригә зәрбә бериш күриши» дә, 2013-йилдин 2016-йилғичә болған 4 йил ичидила 127 сақчиниң вәзипә иҗра қилиш җәрянида өлгәнлики хәвәр қилинип, уйғур диярида муқимлиқни сақлашниң мүшкүллүки вә төлиниватқан бәдилиниң еғирлиқи тәкитләнди.

Мәзкур һөҗҗәтлик филимда 1996-йилдин буян җәнубий уйғур дияридики вилайәт-наһийиләр вә үрүмчи қатарлиқ шәһәрләрдә йүз бәргән уйғурларниң қаршилиқ һәрикәтлири «зораванлиқ һуҗум вәқәлири» дәп тәсвирләнгән. Филимда хитайниң қораллиқ сақчи, әскәрлириниң аталмиш «террорлуқ һәрикәтлири» ни бастуруш җәрянидики вәзипә иҗра қиливатқан көрүнүшлири көрситилгән.

Хитай мәркизи телевизийисиниң мәзкур филими хәлқара таратқуларда диққәт қозғиған болуп, таратқулардики хәвәрләрдә, филимда уйғур диярида 4 йил ичидә вәзипә өтәватқан хитай сақчилиридин 127 кишиниң хизмәт үстидә өлгәнлики һәққидики учурниң хитай даирилири тәрипидин тунҗи қетим ашкара хәвәр қилиниши дәп көрситилди. Радийомиз илгири игилигән әһваллардин, уйғур диярида йеқинқи йилларда барғанчә күчәйтилгән «муқимлиқни қоғдаш» һәрикитидә хизмәт үстидә чарчап өлгән сақчиларниңму хели көплүки ениқланған болуп, бултур уйғур диярида «инқилабий қурбан» дәп нам берилгән 32-нәпәр сақчиниң ичидә 17 нәпириниң хизмәт үстидә чарчап өлгәнлики ениқланған иди.

Пикирләр (0)
Share
Толуқ бәт