Xitay teshwiqatida 4 yilda 127 saqchining Uyghur diyaridiki qattiq zerbe bérishte ölgenliki tilgha élindi

Muxbirimiz méhriban
2017-04-04
Élxet
Pikir
Share
Print

Xitay merkizi téléwiziye istansisining 3-aprél xitayning qebre süpürüsh bayrimigha atap ishligen mexsus filimida, Uyghur diyaridiki "Térrorluq heriketlirige zerbe bérish kürishi" de, 2013-yildin 2016-yilghiche bolghan 4 yil ichidila 127 saqchining wezipe ijra qilish jeryanida ölgenliki xewer qilinip, Uyghur diyarida muqimliqni saqlashning müshküllüki we töliniwatqan bedilining éghirliqi tekitlendi.

Mezkur höjjetlik filimda 1996-yildin buyan jenubiy Uyghur diyaridiki wilayet-nahiyiler we ürümchi qatarliq sheherlerde yüz bergen Uyghurlarning qarshiliq heriketliri "Zorawanliq hujum weqeliri" dep teswirlen'gen. Filimda xitayning qoralliq saqchi, eskerlirining atalmish "Térrorluq heriketliri" ni basturush jeryanidiki wezipe ijra qiliwatqan körünüshliri körsitilgen.

Xitay merkizi téléwiziyisining mezkur filimi xelq'ara taratqularda diqqet qozghighan bolup, taratqulardiki xewerlerde, filimda Uyghur diyarida 4 yil ichide wezipe ötewatqan xitay saqchiliridin 127 kishining xizmet üstide ölgenliki heqqidiki uchurning xitay da'iriliri teripidin tunji qétim ashkara xewer qilinishi dep körsitildi. Radiyomiz ilgiri igiligen ehwallardin, Uyghur diyarida yéqinqi yillarda barghanche kücheytilgen "Muqimliqni qoghdash" herikitide xizmet üstide charchap ölgen saqchilarningmu xéli köplüki éniqlan'ghan bolup, bultur Uyghur diyarida "Inqilabiy qurban" dep nam bérilgen 32-neper saqchining ichide 17 nepirining xizmet üstide charchap ölgenliki éniqlan'ghan idi.

Toluq bet