"Uyghur aptonom rayonluq saqchi xizmiti yighini" ning échilishi diqqet qozghidi

Muxbirimiz eziz
2019-06-20
Élxet
Pikir
Share
Print

Uyghur diyaridiki siyasiy basturush izchil xelq'araning diqqitide boluwatqanda ürümchi shehiride "Aptonom rayonluq saqchi xizmiti yighini" ning chaqirilishi diqqet qozghidi.

"Tengritagh tori" ning 19-iyundiki xewiride éytilishiche, shu küni téléwiziyelik téléfon sheklide échilghan saqchi xizmiti yighinida Uyghur aptonom rayonluq partkomning sékrétari chén chu'en'go barliq saqchi xadimliridin "Shi jinping yadroluqidiki partiye merkiziy komitétining shinjangni idare qilish bash istratégiyisini qet'iy ijra qilish, jem'iyet muqimliqini qet'iy saqlash" ni telep qilghan. Shuning bilen birge saqchilar xizmitini jezmen shi jinping yadroluqidiki partiye merkiziy komitétining bir tutush rehberliki astida bolush, partiyining saqchi xizmitige bolghan mutleq qomandanliqigha boysunushni tekitligen. 

Xitay da'irilirining alaqidar höjjetliride köp qétim tekrarlan'ghan "Kompartiyening shinjangni idare qilish bash istratégiyisi we bash nishan" ni chet'ellerdiki alaqidar mutexessisler "Uyghurlar mesilisini axirqi hésabta hel qilish charisi" dep tenqidlewatqanliqi melum. Ularning pikriche, buningda Uyghurlarni hemde ulargha te'elluq barliq medeniyet bayliqlirini axirqi rewishte yoq qilish "Bash nishan" dep qaralmaqta iken. 

Analizchilar bu qétimqi yighinda élin'ghan qararlargha asasen "Bu hal nöwettiki siyasiy weziyetning téximu yuqiri pellige chiqishidin bésharet béridu," déyishmekte.

Toluq bet