Da'iriler 2017-yilida Uyghur diyarida 100 milyon sayahetchini kütüwalidighanliqini bildürgen

Muxbirimiz qutlan
2017-01-30
Share

Xitay hökümet taratquliri yéqinda xewer bérip, 2016-yili Uyghur aptonom rayonining xitaydiki sayahetchiler adem qétim sani eng téz sür'ette örligen jaylarning biri ikenlikini, 2017-yilida Uyghur diyarigha kélidighan sayahetchilerning sanini 100 milyon adem qétimgha yetküzüshni pilanlawatqanliqini bildürgen.

Shinxu'a agéntliqining bu heqtiki xewirige qarighanda, ötken yili qorghas éghizi kütüwalghan sayahetchi 3 milyondin adam qétimdin éship, ilgiriki yillargha qarighanda 3 hesse köpeygen iken. Ötken yili yene qanas menzirilik sayahet rayonigha kélidighan sayahetchiler téximu köpiyip, aldinqi yillargha qarighanda yérim hessige yéqin köpeygenliki melum.

Uning üstige, ötken yili xitay döletlik sayahet idarisi Uyghur aptonom rayonidin 5 orunni döletlik a derijilik sayahet nuqtisi qilip testiqlighan bolup, buning bilen Uyghur diyaridiki döletlik a derijilik sayahet nuqtiliri jem'iy 11 ge yetken.

Halbuki, közetküchiler xitay hökümitining Uyghur élidiki muqimsizliq amilliri élip kelgen iqtisadiy ziyanni sayahetchilerni jelp qilish arqiliq toluqlimaqchi boluwatqanliqini, téximu muhimi, mezkur rayonning siyasiy sezgürlüki seweblik xelq'aradiki qiziq nuqta bolup qélishining aldini élishqa tirishiwatqanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet