Xitayning öktebirdiki “Ikki bayrimi” mezgilide Uyghur diyari 15 milyon adem qétim sayahetchi kütüwalghan

Muxbirimiz erkin
2020.10.09

Xitayning 1-öktebirdin 8-öktebirgiche dawamlashqan “Dölet bayrimi” we “Aytoqach bayrimi” mezgilide Uyghur diyari 15 milyon adem qétim sayahetchi kütüwalghan. Uyghur aptonom rayonluq medeniyet nazaritining xitay taratqulirigha bildürüshiche, buning 1 milyon 428 mingi ichkiridin kelgen xitay sayahetchiler iken. Medeniyet nazariti “Tengritagh” torigha bergen uchurida, Uyghur diyari bu yil “Ikki bayram” mezgilide kütüwalghan sayahetchining ötken yilqidin 10. 78 Pirsent artqanliqini ilgiri sürgen.

Lékin közetküchilerning tekitlishiche, xitay hökümiti Uyghurlarni depsende qilish seweblik amérikaning imbargosigha uchrap, iqtisadi kasatlishiwatqan Uyghur diyarigha qarita “Siyasiy meqsetlik sayahet” ni yolgha qoymaqta iken. Weziyettin xewerdar zatlar, Uyghur diyarining ichi-sirtidiki idare-jem'iyetlerning ishchi-xizmetchilirini bayram we tetil mezgilliride teshkillik we pilanliq sayahetke uyushturuwatqanliqini bildürmekte.

Ularning tekitlishiche, hökümetning meqsiti bu arqiliq kasatlishiwatqan iqtisadqa yar-yölek bolup, dunyagha we xitay jem'iyitige “Shinjang tinch-aman jay” dégen signal bérish, rayondiki xitay karxaniliri we puqralirini xatirjem qilish iken. Amérika hökümitining yéqindin béri arqa-arqidin qanun-belgilime chiqirip, rayondiki bir qisim xitay dölet apparatlirigha, shexs we shirketlerge émbargo yürgüzüshi rayondiki xitay karxaniliri we puqralirida qattiq endishe qozghighan. “Tengritagh” ning xewiride tekitlishiche, “Ikki bayram” mezgilide sayahet nuqtiliq shimaldiki sayahet orunlirigha orunlashturulghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.