Xitay hökümitining Uyghur diyaridiki “Yer éniqlash” herikiti diqqet qozghidi

Muxbirimiz eziz
2022-01-12
Share

Yéqinda xitay hökümiti Uyghur diyaridiki térilghu yerler, bagh-waranlar we su bayliqlirini omumyüzlük éniqlighan. Xitay hökümitining 11-yanwardiki xewiride éytilshi'iche, bu qétim Uyghur diyaridiki térilghu yerning 106 milyon mo ikenliki, buningda 28 milyon mo yerning yéngidin échish arqiliq köpeygenliki éytilghan.

“Xitay xewerliri tori” ning bu heqtiki xewiride éytilishiche, bu qétimqi éniqlashta Uyghur diyarida yene 15 milyon modin artuq her xil méwilik baghning barliqi melum bolghan. Uyghur aptonom rayonluq tebi'iy bayliq nazaritidin li chaw bu heqte söz qilip “Térilghu yerning omumiy süpiti anche yuqiri emes. Térilghu yerge ziyan qiliwatqan bir qatar ehwallar, jümlidin ékologiyelik qurulush, iqtisadiy qurulush qatarliqlar éghir bolmaqta” dégen.

Melum bolushiche, Uyghur diyaridiki Uyghur déhqanlarning yerliridin ayrilishi ötken on nechche yildin buyan izchil dawam qilip kéliwatqan bolup, xitay köchmen ahalilirining zor kölemde térilghu yerlerni höddige éliwalghanliqi, yerliridin ayrilghan déhqanlarning “Éshincha emgek küchliri” dégen namda herqaysi jaylardiki xitay zawutlirigha “Namratliqtin qutuldurush” namida erzan bahaliq ishchi bolup yötkilishi hemmige melumluq pakitlardin bolup qalghanidi. Emdilikte Uyghur diyaridiki térilghu yerlerning qurulush üchün ishlitiliwatqanliqi xitay hökümitining Uyghur diyarigha zor kölemde nopus yötkesh arqiliq “Jenubiy shinjangdiki Uyghur nopusining üstünlük weziyitini buzup tashlash lazim” dégen istratégiyesini qedemmu qedem emelge ashuruwatqanliqini namayan qilmaqta, dep qaralmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet