Уйғур диярида балағәткә йәтмигәнләр үчүн "қутқузуш мәркизи" тәсис қилинди

Мухбиримиз әзиз
2021-01-19
Share

Хитай һөкүмитигә қарашлиқ тәптиш органлири йеқинқи мәзгилләрдә уйғур дияридики балағәткә йәтмигән өсмүрләрдин испат елишқа қулайлиқ болушни баһанә қилип, аллиқачан 66 орунда "бир бекәтлик дело беҗириш" нуқтиси қурған.

"шинҗаң гезити" ниң 18-январдики санида ейтилишичә, бу хил "бир бекәтлик дело беҗириш орни" да өсмүрләрдин әһвал игиләш, идийиви-хизмәт ишләш, "қануний ярдәм бериш" дегәнләр бир қетимдила тамамлинидиған болуп, буниң әмәлийәттә аилисидин җуда болған уйғур яш-өсмүрлирини тәқибгә ‍елиш орни икәнлики алға сүрүлмәктә. Йәнә келип бу хил орунлардики нәқ мәйданда үнгә вә синға елиш, бәдән тәкшүрүш дегәндәк бир қатар әслиһәләрниң болушиму бу һәқтики гуманларни ашурмақта. Хәвәрдә һазир бу хил муәссәсиләрниң ғулҗидин таки қәшқәргичә болған һәрқайси вилайәт вә шәһәр, наһийәләрдә тәсис қилинғанлиқи ейтилған.

Уйғур дияридики зор көләмлик тутқунда милйонлиған яш вә оттура яш кишиләр лагерларға қамалған болуп, йәнә нурғун сандики балағәт йешиға йәтмигән өсмүрләрниң аталмиш "әсәбийлик вә террорлуқ" идийәлири билән "зәһәрләнгәнлики" тәкитлинип кәлгәниди. Бир қисим анализчилар мушу әһвалларни әслитип "әмди хитай һөкүмити ашу хилдики яш өсмүрләрни тутқун нишани қиливатқан болуши мумкин" деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт