Uyghur diyaridiki kentlerde “Toy-tökün, nezir-chiragh” da'irilerge höddige bérilmekte iken

Muxbirimiz erkin
2019-01-28
Share

Uyghur rayonidiki bezi nahiyilerde yerlik ahalilerning öz aldida shexsiy toy-tökün, nezir-chiragh ötküzüshi cheklen'gen. Melum bolushiche, bezi nahiyilerde da'iriler yerlik ahalilerni kélishim ge imza qoydurup, “Toy-tökün, nezir chiragh” dégendek pa'aliyetlerni ötküzüshni kentlerning “Toy-tökün, nezir‏-chiragh kéngishi” ge hawale qilish, bu pa'aliyetlerni birdek kent pa'aliyet merkezliride ötküzüsh yolgha qoyghan. Yerlik taratqularda “Nachar örp-adetlerni özgertish islahati” dégen namdiki bu teshebbusning “Yéngi medeniy turmush keypiyati yaritish” ni meqset qilghanliqi ilgiri sürülgen. Lékin Uyghur kishilik hoquq pa'aliyetchilirining qarishiche, “Nachar örp-adetlerni islah qilish” namidiki bu teshebbus “Uyghurlarning nechche ming yilliq en'eniwi medeniyet we örp-adetlirini yoqitishqa qaritilghan” iken. Aqsuning toqsu nahiyisi yuqiriqi “Islahat” yolgha qoyulghan nahiye bolup, mezkur nahiyige qarashliq her qaysi kentlerdiki barliq déhqanlar yuqiriqi kélishimge imza qoydurulghan. “Aqsu géziti” ning 28‏-yanwar xewiride ashkarilinishiche, déhqanlar her qaysi kentlerning “Ikki komitét” rehberlik hey'iti bilen “Toy-tökün, nezir-chiragh ötküzüsh kélishimnamisi” namliq bu toxtamni imzalighan. Kélishim déhqanlar toy-tökün, nezir-chiragh ötküzmekchi bolsa pulini kentning “Toy-tökün, nezir-chiragh kéngishi” ge tapshurup, shularning ötküzüp bérishige hawale qilidiken.

Xewerde, ikki kün awwal toqsuning belkesti kentidiki bir déhqanning toy-tökün ishini bu kéngeshke hawa qilghanliqi, toy-tökün ishlirini shularning orunlashturghanliqi ilgiri sürülgen. Xewiride ashkarilishiche, nöwette toy-tökün, nezir-chiragh kéngishi déhqanlarning toy-tökün, nezir-chiragh ishlirini kontrol qilishtin halqip xetne toy, tughulghan kün, altun toy dégendek kenttiki déhqanlarning pütün pa'aliyitini kontrol qilishqa ötken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet