Хитай даирилири "шинҗаң иҗтимаий пәнләр академйәси" ниң "тарих тәтқиқати институти" билән "дин тәтқиқати иниститути" ниң дәриҗисини өстүргән

Мухбиримиз җәвлан
2021-01-29
Share

Хитайчә "шинҗаң гезити" ториниң 29-январ чиқарған хәвиригә қариғанда, уйғур районидики хитайниң шинҗаң иҗтимаий пәнләр академйәсигә қарашлиқ илгирики "тарих тәтқиқати орни" вә "дин тәтқиқати орни" ниң дәриҗиси өстүрүлүп, "тарих тәтқиқати иниститути" вә "дин тәтқиқати иниститути" дегән нам билән вивиска есилған. Хәвәрдә бу орунларниң дәриҗисиниң өстүрүлүши вә қайтидин вивиска есилиши, "3-қетимлиқ шинҗаң хизмити йиғини роһини изчиллаштуруштики муһим истратегийәлик пилан," дейилгән.

Хәвәрдә йәнә бу тәтқиқат инистутлириниң маркисизмниң дияликтек материялизм вә тарихий материялизмлиқ тәтқиқат принсипи бойичә тәтқиқат елип баридиғанлиқи, заманиви мәсилиләргә җаваб беришкә йетәкчилик қилидиғанлиқи, шу арқилиқ "шинҗаңниң узун муддәтлик әминликигә мунасивәтлик чоңқур мәсилиләрни һәл қилишта тәдбир бәлгиләшкә мәслиһәт беридиғанлиқи, түзүлмидә йеңилиқ яритишта йеңи синақларни алди билән елип баридиғанлиқи" алаһидә қәйт қилинған.

Анализчиларниң қаришичә, хитайниң бу тәтқиқат орунлириниң дәриҗисини өстүрүп, қайтидин вивиска есиши уйғур районида атеизимлиқ идийә қурулушини илгири сүрүшкә йетәкчилик қилиш, динсизлиқниң орниға маркисизм вә сотсиялизм идийәсини дәсситиш, тарихни бурмилап хитайниң мәнпәәтигә уйғун тарихий қарашни сиңдүрүш, динни бурмилап динни хитайчә сотсиялизм үчүн хизмәт қилдуруш вә шу арқилиқ уни аҗизлитип йоқитиш истратегийси үчүн елинған бир қәдәм икән. Әмәлийәттә бу тәтқиқат орунлири хитайниң шинҗаңда сиясәт бәлгилишигә, шундақла һийлә-микир вә сүйқәсткә толған йеңи тәдбирләрни елишиға, йеңи синақларни йүргүзүшигиму мәслиһәт бериш ролини ойнайдикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт