Хитайниң уйғур өсмүрлирини сақчилар билән "қәлбдаш" қилиши диққәт қозғиди

Мухбиримиз әзиз
2021-03-09
Share

Уйғур дияридики зор тутқунда милйонлиған кишиниң лагерға қамилиши билән миңлиған уйғур сәбийлириниң игә-чақисиз қалғанлиқи мәлум болғаниди. Йеқинда хитай һөкүмитиниң бу хилдики сәбийләрни лагер системисиниң иҗрачилири болған хитай сақчилар қошуни билән "қәлбдаш" қилишқа урунуватқанлиқи һәр саһәниң диққитини қозғиди.

"хитай хәвәрлири тори" ниң 9-марттики хәвиридә ейтилишичә, онсу наһийисиниң тумшуқ йезисидики сақчихана шу җайдики башланғуч мәктәпкә берип "сәбийләрниң өсүп йетилишигә көңүл бөлүш паалийити" өткүзгән. Шуниңдәк мәктәптики уйғур оқуғучилар билән сөһбәтләшкәндин кейин уларға өзлири елип кәлгән йеңи кийимләрни кийдүргән. Хәвәрдә бу оқуғучиларниң бу хилдики "ғәмхорлуқ" тин бәкму хурсән болғанлиқи ейтилған болсиму, хәвәргә берилгән сүрәтләрдики өсмүрләрниң ипадиси әмәлийәтниң дәл буниң әкси болуватқанлиқини ишарә қилиду.

Анализчилар хитай һөкүмитиниң бу хилдики уйғур өсмүрлиригә хитай сақчилирини "меһрибан" қилип көрситиш һәркәтлирини әйибләп "хитай һөкүмитиниң бу хилдики сахта меһрибанлиқи маһийәттә ‹қоза билән бөрини дост қилиш' оюнидин башқа нәрсә әмәс. Улар мушу арқилиқ уйғур өсмүрлириниң қәлбини өзгәртишни мәқсәт қилған" деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт