Xitayning Uyghur ösmürlirini saqchilar bilen "Qelbdash" qilishi diqqet qozghidi

Muxbirimiz eziz
2021-03-09
Share

Uyghur diyaridiki zor tutqunda milyonlighan kishining lagérgha qamilishi bilen minglighan Uyghur sebiylirining ige-chaqisiz qalghanliqi melum bolghanidi. Yéqinda xitay hökümitining bu xildiki sebiylerni lagér sistémisining ijrachiliri bolghan xitay saqchilar qoshuni bilen "Qelbdash" qilishqa urunuwatqanliqi her sahening diqqitini qozghidi.

"Xitay xewerliri tori" ning 9-marttiki xewiride éytilishiche, onsu nahiyisining tumshuq yézisidiki saqchixana shu jaydiki bashlan'ghuch mektepke bérip "Sebiylerning ösüp yétilishige köngül bölüsh pa'aliyiti" ötküzgen. Shuningdek mekteptiki Uyghur oqughuchilar bilen söhbetleshkendin kéyin ulargha özliri élip kelgen yéngi kiyimlerni kiydürgen. Xewerde bu oqughuchilarning bu xildiki "Ghemxorluq" tin bekmu xursen bolghanliqi éytilghan bolsimu, xewerge bérilgen süretlerdiki ösmürlerning ipadisi emeliyetning del buning eksi boluwatqanliqini ishare qilidu.

Analizchilar xitay hökümitining bu xildiki Uyghur ösmürlirige xitay saqchilirini "Méhriban" qilip körsitish herketlirini eyiblep "Xitay hökümitining bu xildiki saxta méhribanliqi mahiyette 'qoza bilen börini dost qilish' oyunidin bashqa nerse emes. Ular mushu arqiliq Uyghur ösmürlirining qelbini özgertishni meqset qilghan" dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet