Ақсу вилайитидә 13 миң хизмәтчи нопусниң теги-тәктини ениқлашқа қатнашмақтикән

Мухбиримиз әркин
2020-10-23
Елхәт
Пикир
Share
Принт

Хитай һөкүмити ақсу вилайитидә 13 миң хизмәтчисини сәпәрвәр қилип, һәр қайси йеза-базар вә аһалилар олтурақ районлирида нопусниң теги тәктини ениқлимақтикән. Бу, хитай һөкүмитиниң мәзкур районда башлиған 7- қетимлиқ нопусни омумйүзлүк тәкшүрүш һәрикитиниң бир парчиси болуп, йәрлик хәвәрләрдә имарәт хәритиси, җәдвәл, өй игилириниң тизимликини көтүрүвалған тәкшүрүш хадимлириниң өйму-өй кирип, нопусниң теги-тәктини ениқлаватқанлиқи билдүрүлгән.

Хитай даирилириниң бу қетимқи нопус тәкшүрүши милйонлиған уйғур лагерларға қамилип, йүзмиңлиған әмгәк күчи уйғур елиниң ичи-сиртидики хитай карханилирида әмгәккә селиниватқан, уйғур аялири туғмас қилинип, йеқинқи 3 йил ичидә уйғур нопусиниң зор дәриҗидә азийип  кетишини кәлтүрүп чиқарған, хитайниң һәрикити хәлқарада «ирқий ирғинчилиқ»дәп әйиблиниватқан мәзгилдә елип берилған. «Ақсу гезити»ниң хәвәридә тәкитлинишичә, нөвәттә тәкшүргучиләр өйму-өй кирип, аһалиларниң нопус әһвалини игиллимәктикән. 

Хәвәрдә , тәкшүргүчиләниң әһвални тәпсили сорап, «бирму аилә, бирму адәмниң чүшүп қалмаслиқиға капаләтлик қилғанлиқи»,11-өктәбир күни башланған теги тәктини тәкшүрүшниң 31-өктәбиргичә давамлишидиғанлиқи тәкитләнгән. Көзәткүчиләрниң илгири сүрүшичә, бу тәкшүрүшниң милйонлиған уйғур лагер, түрмиләргә соланған, из-дерәксиз йоқалған яки карханиларға йөткилип, нурғун йеза-кәнтләр қуруғдунуп қалған мәзгилдә елип берилиши диққәт қозғайдикән.

Пикирләр (0)
Share
Толуқ бәт