Aqsu wilayitide 13 ming xizmetchi nopusning tégi-tektini éniqlashqa qatnashmaqtiken

Muxbirimiz erkin
2020-10-23
Share

Xitay hökümiti aqsu wilayitide 13 ming xizmetchisini seperwer qilip, her qaysi yéza-bazar we ahalilar olturaq rayonlirida nopusning tégi tektini éniqlimaqtiken. Bu, xitay hökümitining mezkur rayonda bashlighan 7- qétimliq nopusni omumyüzlük tekshürüsh herikitining bir parchisi bolup, yerlik xewerlerde imaret xeritisi, jedwel, öy igilirining tizimlikini kötürüwalghan tekshürüsh xadimlirining öymu-öy kirip, nopusning tégi-tektini éniqlawatqanliqi bildürülgen.

Xitay da'irilirining bu qétimqi nopus tekshürüshi milyonlighan Uyghur lagérlargha qamilip, yüzminglighan emgek küchi Uyghur élining ichi-sirtidiki xitay karxanilirida emgekke séliniwatqan, Uyghur ayaliri tughmas qilinip, yéqinqi 3 yil ichide Uyghur nopusining zor derijide aziyip  kétishini keltürüp chiqarghan, xitayning herikiti xelq'arada "Irqiy irghinchiliq"dep eyibliniwatqan mezgilde élip bérilghan. "Aqsu géziti"ning xeweride tekitlinishiche, nöwette tekshürguchiler öymu-öy kirip, ahalilarning nopus ehwalini igillimektiken. 

Xewerde , tekshürgüchilening ehwalni tepsili sorap, "Birmu a'ile, birmu ademning chüshüp qalmasliqigha kapaletlik qilghanliqi",11-öktebir küni bashlan'ghan tégi tektini tekshürüshning 31-öktebirgiche dawamlishidighanliqi tekitlen'gen. Közetküchilerning ilgiri sürüshiche, bu tekshürüshning milyonlighan Uyghur lagér, türmilerge solan'ghan, iz-déreksiz yoqalghan yaki karxanilargha yötkilip, nurghun yéza-kentler qurughdunup qalghan mezgilde élip bérilishi diqqet qozghaydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.