Uyghur diyaridiki “Qara küchlerge zerbe bérish” herkiti xitay merkiziy hökümitining teqdirlishige érishken

Muxbirimiz eziz
2021-11-16
Share

Xitay taratqulirining xewirige qarighanda, yéqinda “Qara küchlerge zerbe bérish merkiziy rehberlik ishxanisi” ning 31-nöwetlik mupettish guruppisi Uyghur diyarigha mupettishlik qilish ‍üchün ewetilgen hemde rayon teweside “Qara küchlerge zerbe bérish” xizmitining ijra bolushini tekshürgen.

“Shinjang géziti” ning bu heqtiki xewiride éytilishiche, mezkur mupettish guruppisi Uyghur diyarida nuqtiliq zerbe bérilgen “Qara küchler” ning hemde ularning mal-mülkining bir yaqliq qilinish ehwalini tekshürgen. Shuningdek Uyghur aptonom rayonluq yuquri sot mehkimisi bilen birlikte “Qara küchlerge zerbe bérish” ni da'imlashturush, bu xil zerbe bérishni hemde ularning mal-mülkini ünümlük bir yaqliq qilishni bundin kéyin téximu ching tutup ishlesh teklipini bergen. Axirida qatnash-tiransiport nazariti, tebi'iy bayliq nazariti, olturaq öy we sheher-yéza qurulushi nazariti, jama'et xewpsizlik nazariti qatarliq orunlar bilen birlikte bu sahelerning “Qara küchlerge zerbe bérish” xizmitidiki netijilirige yüksek baha bérilgen. Shuning bilen birge sanji we xoten wilayetlirining bu sahediki xizmetlirini tekshürgen.

Xewerde éytilishiche, bu xil “Qara küchlerge zerbe bérish” hemde ularning mal-mülkini bir yaqliq qilish xizmiti bundin kéyin téximu keng da'iride dawam qilidiken. Emma xitay hökümitining “Qara küchlerge zerbe bérish” namida herqaysi jaylardiki namdar we tesirchan Uyghur serxillirini, shuningdek Uyghur baylirini közdin yoqatqanliqi heqqide ötken yillardin buyan köpligen melumatlar otturigha chiqqan idi. Yéqinda bolsa lagérlargha qamalghan bir qisim Uyghur baylirining mal-mülki xitay tor betliride kim'artuq qilip sétilghanliqi melum bolghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet