Sh u a r partkomi xitay kompartiyesi 6-omumiy yighinining qararlirini qandaq ijra qilishni orunlashturghan

Muxbirimiz erkin
2021-11-22
Share

Uyghur aptonom rayonluq partkom 20- we 21-noyabir künliri 10-nöwetlik 2-omumi yighini chaqirip, xitay kompartiyesining yéqinda ötküzülgen 6-omumi yighinining qararlirini rayonda qandaq ijra qilishni muzakire qilghan. Yighinda shi jinpingning sözi we 6-omumiy yighinning qararlirini bezi döletler we xelq'araliq teshkilatlar teripidin “Irqiy qirghinchiliq” dep qaralghan shi jinpingning “Shinjangni bashqurush istiratégiyesi” bilen birleshtürüsh telep qilin'ghan.

“Shinjang géziti” ning éytishiche, yighinda chén chu'en'go 6-omumiy yighinning qararlirini Uyghur rayonida emeliyleshtürüshning “Jongxu'a milliti ortaq éngi”, “Qoshmaq tughqanchiliq”, “Dölet til-yéziqini omumlashturush”, “Islamni xitaychilashturush”, “Beshni étirap qilish” ni öz ichige alghan 12 nuqtiliq telepni otturigha qoyup, buni ‍ijra qilishta qet'iy tewresmeslikni tekitligen. Xitay kompartiyesining yéqinda ötküzülgen 6-omumiy yighini “Kompartiyening 100 yilliq küresh tarixidiki zor utuqliri we tarixiy tejribeliri toghrisidiki qarari” namliq höjjetni maqullap, shi jinpingning mutleq hökümranliq ornini tiklen'gen.

Höjette uning yéqinqi bir qanche yil ichide burunqilar hel qilalmighan ishlarni hel qilghanliqi tekitlen'gen. Biraq uning konkirét qandaq ishlarni hel qilghanliqi tilgha élinmighan bolsimu, bezi közetküchiler uning milyonlighan Uyghurni lagér, türmilerge qamash, karxanilarda mejburiy emgekke sélish arqiliq atalmish “Shinjang mesilisi” ni hel qilghandek mustebit qilmishlirini tilgha élghan. Chén chu'en'goning ‍éytishiche, “Shinjangda islamni xitaychilashturushni qet'iy tewrenmey algha sürüp, ashqunluqni tosush, singip kirishke qarshi turush, türlük jinayetlerge zerbe bérish, dinni sotsiyalistik jem'iyetke maslashturushqa aktip yéteklesh kérek,” iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet