Хитай һөкүмити уйғур районидики "хатирҗәм өй" қурулушиға 1 милярд 400 милйон йүән аҗратқан
Хитайчә "шинҗаң гезити" ториниң 21-декабирдики хәвиригә қариғанда, хитай малийә министирлики уйғур районидики шәһәр-базарларда 2021-йил елип берилидиған "хатирҗәм өй" қурулушиға 1милярд 400 милйон йүән ярдәм мәблиғи аҗратқан.
Хәвәрдә ейтилишичә, аптоном район 250миң йүрүш опчә иҗарә өй селиш, 64миң йүрүш кона өйни өзгәртиш, 230 миңдин артуқ нопус җайлашқан кона мәһәллиләрни өзгәртиш үчүн мәркәзгә илтимас сунған болуп, пилан бойичә 7135 бина селинидикән, 1714 мәһәллә қурулидикән. Мәркәздин мәбләғ чүшкәндин кейин алди билән кона өй вә кона мәһәллиләрни чеқип өзгәртиш қурулуши башлинидикән.
Тәһлилчиләрниң қаришичә, хитай һөкүмитиниң алди билән кона өй, кона мәһәллиләрни өзгәртиш қурулуши елип бериши уйғурларниң нәччә он йилдин бери сақлап кәлгән мәһәлливи турмуш муһити, ата-бовилиридин мирас қалған өй мәдәнийити, һойла-арам игилики вә әнәниви турмуш шәклини тамамән вәйран қиливетиш болуп, йәнә бир тәрәптин хитай көчмәнлириниң бу мәһәллиләргә бималал орунлишишиға пайдилиқ шараит яритип бериш үчүн икән.
- Японийәдин қайтқан меһриай әркинниң тутқун қилиниши вә туюқсиз өлүми японийәдә җиддий диққәт қозғиди
- Америка ташқи ишлар министирлиқи уйғурларни америкаға қобул қилинидиған мусапирлар тизимликигә киргүзгән
- Нәнси пелоси ханим: "уйғур мәсилиси давамлиқ бизниң диққитимиздә!"
- Канада парламенти хитайниң уйғурларға қаратқан зулумлирини "ирқий қирғинчилиқ" дәп бекитти
- Өмәр бекали вә аяли рошәнгүл: "ишәнч вә муһәббәт аилимизни җәм қилди"
