Tebi'iy gaz zapisi mol jenubiy Uyghur rayonida aran 500 ming a'ile tebi'iy gaz ishlitishke érishken

Muxbirimiz ümidwar
2017-10-22
Share

Xitay da'iriliri tarim oymanliqidin tebi'iy gaz élish miqdarini yildin yilgha ashurup, shangxey qatarliq déngiz boyliridiki sheher we ölkiler ahalisini teminleshni asasi nishan'gha aylandurush bilen bir waqitta yéqinqi yillardin buyan tarim oymanliqi etrapidiki ahalilernimu gaz bilen teminlesh miqdarinimu ashurghanliqini bildürmekte.

"Xitay uchur tori" ning maqaliside éytilishiche, Uyghur diyarining jenubi "Hazir kömür ishlitish dewridin pakiz dewrge, yeni gaz ishlitish omumlishish dewrige" kirgen. Maqalidin melum bolushiche, xitay da'iriliri on nechche yil ichide Uyghur diyarining jenubidiki 500 ming a'ilini tebi'iy gaz ishlitidighan sewiyige yetküzgen. Emma, nopusi ikki milyon 200 minggha yéqin bir xoten wilayiti teweside aran 16ming yéza a'ilisi gaz ishlitish sewiyisige yetken. 

Yéqinda xitay axbarat wasitiliri tarim oymanliqidin sherqiy rayonlargha toshush üchün alidighan kündilik gaz miqdarini 18 milyon kub métirigha yetküzgenliki, buningdin kéyin, "Gherbtin sherqqe toshuydighan" gaz miqdarining yilliq miqdarini 25 milyard kub métirgha yetküzmekchi boluwatqanliqini bildürgen idi.

Bir ismini ashkarilashni xalimighan bir Uyghur iqtisadiy jughrapiye mutexessisning éytishiche, nöwette, xitayning shangxey qatarliq déngiz boyliridiki sheherler we 13 ölkining 300 milyondin artuq ahalisi tarim oymanliqi rayonidiki tebi'iy gazlardin behrimen bolmaqta. Jenubiy Uyghur diyarida 10 milyon'gha yéqin nopus bolup, Uyghurlar 70 % tin artuqraqini teshkil qilidu, jenubi rayonlardiki gaz ishlitish imkaniyitige ige bolghan 500 ming a'ilining xéli köp qismi emeliyette xitay a'ililiridin ibarettur. Emma, tebi'iy gaz menbesi rayonlirining etrapida asasen Uyghurlar yashisimu, biraq ularning tebi'iy gazdin menpe'etdar bolush nisbiti eng töwen bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet