Үрүмчидә "қара күчләргә зәрбә бериш" саһәсидикиләрни тәқдирләш йиғини ечилди

Мухбиримиз әзиз
2021-05-21
Share

Уйғур диярида өткән йиллардин буян давам қилған "қара вә рәзил күчләргә зәрбә бериш" һәрикити җәрянида "иҗтимаий муқимлиқ вә әбәдий әминлик" бәрпа қилиш үчүн миңлиған һәр саһә кишилири "җинайәтчи" гә айлинип қалғаниди. Шу қатарда көплигән уйғур рәһбирий кадирларниңму зор көләмдә бир қетимлиқ "сиясий қирқиш" қа дуч кәлгәнлики мәлум болғаниди. 20-Май күни әнә шу сиясий һәрикәттә зор төһпә көрсәткән хитай кадирлирини тәқдирләш йиғини үрүмчи шәһиридә ечилди.

"тәңритағ тори" ниң 21-майдики хәвиридә ейтилишичә, уйғур аптоном районлуқ парткомниң секретари чен чуәнго йиғинда алаһидә сөз қилған. У сөзидә "рәзил вә қара күчләргә зәрбә бериш һәрикити" ни "шинҗаңниң муқимлиқи үчүн ишләнгән бир муһим хизмәт" дәп көрсәткән. Шундақла ши җинпиңниң мәзкур күрәш һәққидики көрсәтмилирини изчил иҗра қилип, бу паалийәтни бошашмастин "қәтий давамлаштуридиғанлиқи" ни билдүргән.

Пүтүн хитай миқясида омумлашқан "қара вә рәзил күчләргә зәрбә бериш һәрикити" намидики сиясий долқунни ғәрб дунясидики анализчилар "ши җинпиңниң өз рәқиблирини көздин йоқитиш чариси" дәп тәнқидлигән һәмдә уни мав зедоң дәвридики сиясий һәрикәтләргә охшитип кәлгәниди. Әмма уйғур диярида бу паалийәт "һөкүмәткә шилтиң атқан" дәп қарилидиған кишиләргә қаритилған болуп, анализчилар бу җәрянда нурғун уйғур рәһбирий кадирларниң, болупму чоңқур иҗтимаий асасқа игә инавәтлик уйғур кадирлар қошуниниң тазиланғанлиқини алға сүрүп кәлмәктикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт