Ürümchide "Qara küchlerge zerbe bérish" sahesidikilerni teqdirlesh yighini échildi

Muxbirimiz eziz
2021-05-21
Share

Uyghur diyarida ötken yillardin buyan dawam qilghan "Qara we rezil küchlerge zerbe bérish" herikiti jeryanida "Ijtima'iy muqimliq we ebediy eminlik" berpa qilish üchün minglighan her sahe kishiliri "Jinayetchi" ge aylinip qalghanidi. Shu qatarda köpligen Uyghur rehbiriy kadirlarningmu zor kölemde bir qétimliq "Siyasiy qirqish" qa duch kelgenliki melum bolghanidi. 20-May küni ene shu siyasiy herikette zor töhpe körsetken xitay kadirlirini teqdirlesh yighini ürümchi shehiride échildi.

"Tengritagh tori" ning 21-maydiki xewiride éytilishiche, Uyghur aptonom rayonluq partkomning sékrétari chén chu'en'go yighinda alahide söz qilghan. U sözide "Rezil we qara küchlerge zerbe bérish herikiti" ni "Shinjangning muqimliqi üchün ishlen'gen bir muhim xizmet" dep körsetken. Shundaqla shi jinpingning mezkur küresh heqqidiki körsetmilirini izchil ijra qilip, bu pa'aliyetni boshashmastin "Qet'iy dawamlashturidighanliqi" ni bildürgen.

Pütün xitay miqyasida omumlashqan "Qara we rezil küchlerge zerbe bérish herikiti" namidiki siyasiy dolqunni gherb dunyasidiki analizchilar "Shi jinpingning öz reqiblirini közdin yoqitish charisi" dep tenqidligen hemde uni maw zédong dewridiki siyasiy heriketlerge oxshitip kelgenidi. Emma Uyghur diyarida bu pa'aliyet "Hökümetke shilting atqan" dep qarilidighan kishilerge qaritilghan bolup, analizchilar bu jeryanda nurghun Uyghur rehbiriy kadirlarning, bolupmu chongqur ijtima'iy asasqa ige inawetlik Uyghur kadirlar qoshunining tazilan'ghanliqini algha sürüp kelmektiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet