Xitayning tibetke ikkinchi tömüryol liniyesi achmaqchi bolghanliqi xelq'ara jem'iyetning endishini qozghimaqta

Muxbirimiz qutlan
2016-03-07
Share

Birleshme agéntliqning xewirige qarighanda, xitay hökümiti ötken hepte sichüen ölkisining merkizi chéngdudin tibet aptonom rayonining merkizi lasagha qatnaydighan ikkinchi tömüryol liniyesini achidighanliqini élan qilghan.

Mezkur xewer chet'ellerdiki tibet jama'iti bilen xelq'ara jem'iyetning küchlük endishisini qozghighan. Ular birdek xitayning tibetke ikkinchi tömüryol liniyesini échishi, shek-shübhisizki, xitay köchmenlirining tibetke seldek éqishigha asanliq tughdurupla qalmastin, belki yene tibet égizlikining muhitigha éghir tehdit élip kélidu, dep qarimaqta.

Melum bolushiche, xitaydiki nopusi eng köp bolghan ölke - sichüendin lasagha yasilidighan ikkinchi tömüryol liniyesining omumiy uzunluqi 1900 kilométirdin artuq bolup, texminen 13 sa'ette yétip barghili bolidighanliqi mölcherlenmektiken.

Tibet aptonom rayonining re'isi losang jamkan béyjingdiki xitay memliketlik xelq qurultiyi yighinida tibetke yasilidighan ikkinchi tömüryolning tibet xelqige zor iqtisadiy tereqqiyat élip kélidighanliqini tekitligen. Tibet aptonom rayonluq partkomning mu'awin sékrétari padma choling: "Ikkinchi tömüryol liniyesi tibetning ékologiyelik muhitigha zerer yetküzelmeydu," dégen.

Közetküchiler, bu xitay kompartiyesining tibetlik emeldarlarning éghizi arqiliq xelq'ara jem'iyetni ghelet qilishqa urunushidin bashqa nerse emes, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet