Xitayning Uyghurlar diyarida yéngidin tömüryol yasimaqchi bolushi diqqet qozghidi

Muxbirimiz eziz
2018-05-08
Share

Uyghurlar diyaridiki ghol tömüryol liniyesi 1980-yillardin bashlap izchil uzartilip kéliniwatqan bolup, yéqinda xotendin chaqiliq nahiyesigiche bolghan bölekte qurulush bashlash resmiy testiqtin ötken.

Shinxu'a agéntliqining 8-maydiki xewiride éytilishiche, omumiy uzunluqi 825 kilométir bolghan bu tömüryol bölikige 22 milyard som (texminen 5.3 Milyard amérika dolliri) meblegh sélinidiken.

Pütkül liniyede 69 béket tesis qilin'ghan bolup, qurulush tamamlan'ghanda poyizlar sa'itige 120 kilométir tézlikte mangalaydiken. Xewerde körsitilishiche bu qurulushning üch yérim yilda tamamlash mölcherlenmekte iken.

Melum bolushiche, bu qurulush pütkende chaqiliqtin chingxey ölkisidiki golmud shehirigiche sozulghan tömüryol liniyesige ulinidiken. Buning bilen teklimakan chöllükini mukemmel chember sheklide tömüryol bilen orap chiqish tamamlinidiken. Shuningdek qeshqer we xoten qatarliq jaylardin qozghalghan poyizlar ürümchige barmastinla chaqiliq arqiliq ichkiri xitay ölkilirige kételeydiken.

Analizchilar bu heqte toxtilip, “Tömüryol liniyelirining uzartilishi mahiyette yerlik Uyghurlargha menpe'et yetküzüshni emes, belki bayliqlarning ichkirige toshulushini tézlitidu, shuningdek xitayning mezkur rayon'gha bolghan kontrolluqini téximu mustehkemleydu” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet