Korla-golmud tömüryolining Uyghur élidiki qismining yérimigha rélis yatquzulup bolun'ghan

Muxbirimiz erkin
2018-05-28
Share

Uyghur aptonom rayonining jenubini xitayning sichüen ölkisige baghlashni meqset qilghan korla-golmud tömüryolining Uyghur élidiki 700 kilométirliq bölikining yérimigha rélis yatquzulup bolun'ghan.

Xitay axbarat wasitilirining xewerliride mezkur tömüryolning Uyghur élidiki 345 kilométirliq qismigha rélis yatquzulup bolun'ghanliqi bildürüldi. Hazir tömüryolning rélisi chaqiliq nahiyesining tétima kölige yétip kelgen. Hazir da'iriler tétima kölige séliniwatqan köwrükni téz püttürüshke jiddiy heriket qilmaqta iken.

"Shinjang merkiziy sheher géziti" ning xewiride uzunluqi 24 kilométirliq tétima köli köwrükining bu yil 15‏-awghustqiche püttürülidighanliqi bildürülgen. Xewerde bayan qilinishiche, tétima köwrüki omumiy uzunluqi 1213 kilométirliq korla -golmud tömüryol liniyesidiki eng uzun köwrük iken. Xitay hökümiti korla- golmud tömüryol qurulushini bashlashtin burun chéngdu-golmud tömüryol qurulushini bashlighan. Xitayning pilani 2020‏-yilghiche chéngdu- golmud-korla tömüryolini öz ara tutashtutup, uning axirqi nuqtisini ghuljigha ulash iken. Xitay hökümiti 2010‏- yili chaqirilghan "Shinjang xizmet yighini" din kéyin Uyghur élining asasiy eslihelirige keng kölemlik meblegh sélip, köchmen yötkeshni tézletken. Emma bu chet'ellerdiki Uyghur teshkilatlirining qattiq tenqidige uchrighan.

Ular tömüryol qurulushi köchmenlerning shiddet bilen köpiyip, Uyghurlarning medeniyiti, turmushi usuli, muhiti, yerlik iqtisadigha téximu qattiq buzghunchiliq qilidighanliqi, buning nopus qurulmisini özgertip, Uyghurlarni az sanliq orun'gha chüshürüp qoyidighanliqini agahlandurup keldi. Lékin xitay hökümiti korla-golmud tömüryoli bilen cheklinip qalmay, yéqinda yene chaqiliq bilen xoten arisida tömüryol yatquzush pilanini testiqlighan. Xitay axbarat wasitilirining bu heqtiki xewerliride xitay döletlik islahat-tereqqiyat komitétining bu qurulushqa 22 milyard yüen testiqlighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet