Уйғур аптоном районлуқ даириләр җайлардики түрмиләргә көпләп хизмәтчи қобул қилмақчи

Мухбиримиз ирадә
2017-09-14
Елхәт
Пикир
Share
Принт

Уйғур аптоном районлуқ даириләр уйғур ели миқясидики асаслиқ түрмиләрдә хизмәтчи хадимларниң санини көпәйтидиғанлиқини билдүргән.

Хитайниң «хәлқ тори» вә һәрқайси наһийилик һөкүмәтләрниң тор бәтлиридә уйғур аптоном районлуқ даириләрниң җайлардики түрмиләргә хизмәтчи хадим қобул қилидиғанлиқи һәққидә елан чиқирилған.

Хәвәрдә дейилишичә, уйғур районлуқ биринчи, үчинчи вә төтинчи түрмә, уйғур аптоном районлуқ аяллар түрмиси, үрүмчи шәһәрлик түрмә, йеңи җинайәтчиләр түрмиси, үрүмчи шәһәрлик қорумиға йәтмигәнләр түрмиси шундақла санҗи, турпан, шаяр, ақсу, қизилсу, қәшқәр, хотән қатарлиқ җайлардики түрмиләргә җәмий 589 нәпәр хизмәтчи қобул қилинидикән.

Мәзкур еланниң хәлқара кишилик һоқуқ органлири уйғур елида «халиғанчә тутқун қилиш» һәрикәтлириниң көпийип кетиватқанлиқини илгири сүрүватқан мәзгилгә тоғра келиши диққәт қозғиди.

Радийомизниң бу һәқтики әһвал ениқлашлири давамида пәқәт йеңисарниң 13 миң нопуслуқ топлуқ йезисидинла аз дегәндә 2 миң кишиниң қамақта икәнлики ашкариланған иди. Көзәткүчиләр, йеңисардики бу әһвалниң уйғурлар зич олтурақлашқан җәнубтики башқа наһийә вә йезиларғиму ортақ болуши мумкинликини илгири сүрмәктә.

Чәтәлләрдики көзәткүчиләр, хитай һөкүмитиниң уйғур елидики түрмиләргә көпләп хизмәтчи хадим қобул қилишниң районда тутқун қилиниватқанларниң көплүкидин келип чиққан бир еһтияҗ икәнликини мөлчәрлимәктә.

Пикирләр (0)
Share
Толуқ бәт