Uyghur aptonom rayonluq da'iriler jaylardiki türmilerge köplep xizmetchi qobul qilmaqchi

Muxbirimiz irade
2017-09-14
Share

Uyghur aptonom rayonluq da'iriler Uyghur éli miqyasidiki asasliq türmilerde xizmetchi xadimlarning sanini köpeytidighanliqini bildürgen.

Xitayning "Xelq tori" we herqaysi nahiyilik hökümetlerning tor betliride Uyghur aptonom rayonluq da'irilerning jaylardiki türmilerge xizmetchi xadim qobul qilidighanliqi heqqide élan chiqirilghan.

Xewerde déyilishiche, Uyghur rayonluq birinchi, üchinchi we tötinchi türme, Uyghur aptonom rayonluq ayallar türmisi, ürümchi sheherlik türme, yéngi jinayetchiler türmisi, ürümchi sheherlik qorumigha yetmigenler türmisi shundaqla sanji, turpan, shayar, aqsu, qizilsu, qeshqer, xoten qatarliq jaylardiki türmilerge jem'iy 589 neper xizmetchi qobul qilinidiken.

Mezkur élanning xelq'ara kishilik hoquq organliri Uyghur élida "Xalighanche tutqun qilish" heriketlirining köpiyip kétiwatqanliqini ilgiri sürüwatqan mezgilge toghra kélishi diqqet qozghidi.

Radiyomizning bu heqtiki ehwal éniqlashliri dawamida peqet yéngisarning 13 ming nopusluq topluq yézisidinla az dégende 2 ming kishining qamaqta ikenliki ashkarilan'ghan idi. Közetküchiler, yéngisardiki bu ehwalning Uyghurlar zich olturaqlashqan jenubtiki bashqa nahiye we yézilarghimu ortaq bolushi mumkinlikini ilgiri sürmekte.

Chet'ellerdiki közetküchiler, xitay hökümitining Uyghur élidiki türmilerge köplep xizmetchi xadim qobul qilishning rayonda tutqun qiliniwatqanlarning köplükidin kélip chiqqan bir éhtiyaj ikenlikini mölcherlimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.