Қомулда 3 нәпәр йәрлик кадир бәлгилимигә хилаплиқ қилиш билән әйиблинип җазаланған

Мухбиримиз әркин
2021-04-23
Share

Уйғур елиниң қумул шәһридә бир хитайни өз ичигә алған икки уйғур вә бир қазақ кадири хитай компартийәсиниң "8 хил бәлгилимиси" гә хилаплиқ қилиш билән әйиблинип җазаланған. "шинҗаң хәвәрлири" ториниң ашкарлишичә, қомул шәһәрлик интизам тәкшүрүш вә ривизийә комитети йеқинда юқириқи икки уйғур вә бир қазақ кадирини өз ичигә алған 4 делони "мәркизи комитетниң 8 хил бәлгилимисигә хилап типик мәсилә" дәп елан қилған.

Бу кадирлар чәт әлдики көзәткучиләр чен чүәнго уйғур елиниң 1-қол һөкүмдарлиқ орниға олтурған 2016-йилдин бери һакимийәт ичидики уйғур кадирлирини һәр хил намлар билән тазилаватқанлиқини илгири сүриватқан мәзгилдә җазланған. Көзәткүчиләрниң қаришичә, чен чүәнгониң уйғур кадирлирини тазилиши һәр хил намларда елип берилсиму, әмәлийәттә бу хитайниң уйғурларға йүргүзгән "ирқий қирғинчилиқ" һәркитиниң бир парчиси икән.

Қомул шәһәрлик интимзам тәкшүрүш вә ривизийә комитетиниң уқтурушида ивирғол районлиқ адәм күчи вә иҗтимаий параванлиқ идарисиниң сабиқ хадими әнвәр хоҗа, ивирғол районлиқ ишчилар уюшмиси партийә гурупписиниң сабиқ секритари маһирә маһмут, барикөл наһийәсинң йеза кадири җарқинбәк молимханларниң "бәлгилимигә хилаплиқ қилғанлиқи" тәкитләнгән. Мәлум болушичә, бу кишиләр қол астидикиләргә орунсиз мукапат тарқитип, бәлгилимигә хилаплиқ қилиш билән әйибләнгән. Уларниң һәммисигә партийә ичидә агаһландуруш җазаси берилгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт