Bortala oblastining mu'awin bashliqi mexmutjan barat tekshürüshke élin'ghan

Muxbirimiz erkin
2019-09-20
Élxet
Pikir
Share
Print

Bortala mongghul aptonom oblastining mu'awin bashliqi mexmutjan barat yéqinda xitay intizam tekshürüsh tarmaqliri teripidin nazaret astigha élip tekshürülüshke bashlighan.

Uyghur aptonom rayonluq intizam tekshürüsh we réwiziye komitétining torida élan qilin'ghan uchurdin melum bolushiche, bu yil 56 yashliq mexmutjan barat "Intizam gha we qanun'gha éghir xilapliq qilish" bilen eyiblenmekte iken. 

Bortala oblastining jing nahiyiside tughulghan mexmutjan barat 2009‏-yildin béri bortala oblastining mu'awin bashliqi, 2012‏-yildin béri qoshumche bingtu'en 5‏-diwiziyesining mu'awin déwiziye komandiri qatarliq wezipilerni ötep kéliwatqan idi. 

Uyghur aptonom rayonluq intizam tekshürüsh we réwiziye komitétining toridiki uchurida, uning intizamgha we qanun'gha xilap qandaq konkrét xataliq sadir qilghanliqi tilgha élinmighan. "Intizamgha we qanun'gha éghir xilapliq qilish" dégen bu términ köp hallarda xitay hökümitining Uyghur rayonidiki siyasitini qollimighan yaki uninggha aktip awaz qoshmighan yerlik kadirlarni jazalashta qollinilip kelmekte. Bu xil xataliq sadir qilip tekshürüsh astigha élin'ghan köp qisim yerlik kadirlar partiyidin qoghlap chiqirilip, wezipisidin élip tashlan'ghan we teptish organlirining bir terep qilishigha tapshurulup kélin'gen idi. Téxi yéqindila ürümchi sheherlik j x idarisining mu'awin bashliqliridin jür'et ibrahim bilen qadir memetlerning tutqun qilin'ghanliqi melum bolghan idi. 

Chet'eldiki Uyghur közetküchilirining ilgiri sürüshiche, nöwette xitayning her derijilik hökümet we partiye organliridiki yerlik kadirlar yuqiriqidek namlarda keng kölemlik tazilap chiqirilmaqta iken.

Toluq bet